Osasunak denboraldiko lehen garaipena behar du zulotik irteteko

Ainara Arratibel Gascon -

2018ko irailak 8
Ligako lehen hiru partidetan puntu bakarra batu ostean, Osasunak beharrezkoa du denboraldiko lehen garaipena, beheko postuetatik ahalik eta azkarren ateratzeko. Horretarako, aukera ona du gaur, etxean (16:00), Almeriaren kontra. Espainiako taldeak ere puntu bakarra du, eta behin bakarrik irabazi du Sadarren, 2013-2014 denboraldian.

Jagoba Arrasate Osasunako entrenatzailea argi mintzatu zen atzoko agerraldian: «Aurrerapauso bat eman behar dugu jokoaren arlo guztietan». Onartu zuen «amorratuta» daudela, eta itxura hobea emateko gogoz. «Ez dugu urrutiago begiratu nahi, baizik eta biharko [gaurko] partidara. Zuzenagoak eta oldarkorragoak izan behar dugu».

Imanol Garcia, Miguel Flaño eta David Garcia deialditik kanpo utzi du. Aridane, berriz, bueltan da, orkatilako lesioa gainditu ondotik. Min hartuta segitzen dute, berriz, Fran Meridak eta Javi Martinezek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna