Albistea entzun

«Erreparazioa da BERRIArekin ituna egitea»

JAIZKI FONTANEDA / FOKU Tamaina handiagoan ikusi

Garikoitz Goikoetxea -

2018ko azaroak 18 - Gasteiz

Herri ekimeneko euskarazko hedabideen arloan aldaketak egingo dituzte Eusko Jaurlaritzak eta aldundiek: bateratu egingo dute laguntzen sistema. BERRIArekin itun bat egingo du Eusko Jaurlaritzak.

Euskarazko hedabideen laguntzetan aldaketa handiak izango dira. Biratze gisa ikusi behar da?

Hasieratik izan dute diru laguntzaren bat, eta aldian-aldian aldatu egin dira irizpideak. Ikusi dugu egoera berri honetan beste era batera planteatu behar genuela gaia. Bi oinarri jarri ditugu. Bat: aukera dago euskarazko hedabideen laguntzak modu ordenatuan kudeatzeko, eta leihatila bakarra egotea proposatu dugu. Bi: harreman bat egon da hedabideekin. Euskarazko eduki interesgarriak behar ditugu euskarri guztietan, eta sortu behar dituzten enpresak ez dira gai bakarrik mantentzeko; produktu erakargarriak nahi baditugu, baldintzak sortu behar ditugu lantaldeetan eta enpresetan.

BERRIAren kasuan, hitzarmen baten bidez bermatuko duzue hori.

Erabaki horrek badu zerikusia besteekin hartutakoarekin: nahi dugu euskarazko egunkaria ahalik eta erakargarriena izatea; horretarako, beharrezko ikusten dugu gutxieneko baldintzak sortzea. BERRIAk baditu bereizgarri batzuk: egunkaria da, eta euskararen herrialde guztietan kaleratzen da.

Eta badago beste arrazoi bat, orain arte jendaurrean erabili ez dudana, hemen esan nahi dudana: erreparazioa. Herri honetan, euskal terrorismoak askatasunaren eta euskararen izenean indarkeria erabili du. Estatuak, une jakin batean, indarkeriari aurre egiteko, eraso egin zion euskaraz kaleratzen zen egunkariari. Denborak eta justiziak ondorioztatu zuten gaizki erabili zutela indarra, motiborik gabe eta legez kontra itxi zutela, eta torturatu egin zituztela pertsona batzuk. Gizarte honek erreparazio moduko bat zor die Egunkaria-ri eta haren ondorengoari, BERRIAri. Erreparazio politikoaren barruan sartzen dut. Bizikidetza bultzatu nahi dugu: injustua izan zen Egunkaria-ri egin zitzaiona, hango pertsonei eman zitzaien tratua; ez zuen gertatu behar. Hori ere badago BERRIArekin hitzarmena egiteko bide horretan.

BERRIAk hartuko duen laguntza ez da Jaurlaritzaren dirua, EAJren eta PSEren dirua: diru publikoa da, herri osoarena. Herri hori plurala da, eta gizarte plural horrek egingo du hitzarmena BERRIArekin. Nahi kolektibo bat izan liteke BERRIAk bide ikur gisa izatea gizarteko aniztasuna aintzat hartzea.

Aurrekonturik ez badago, zertan geratuko dira asmo horiek?

Ez dut egoera horretan jarri nahi. Pauso hau emateko, behar-beharrezkoak ditugu aurrekontuak. Denoi dagokigu aurrera ateratzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zaldibarko zabortegia, artxiboko irudi batean. ©EFE

Zaldibarko amiltzearen hirugarren urteurrena hizpide 'Kinka' podcastean

Julen Otaegi Leonet

'Zaldibar: hiru urte, hainbat zauri eta itzal ugari' atala estreinatu berri du BERRIAren 'Kinka' podcastak. Atzo bete ziren hiru urte ezbeharra jazo zenetik; orain artekoak eta geratzen direnak bildu ditu bertan.

 ©ANDONI CANELLADA / FOKU

«Ahalduntze tailerretan hainbat tresna lortzen dira»

Isabel Jaurena

Ahalduntze tailerrek emakumeengan eragina dutela ondorioztatu du ikerketa batek. Aldaketa nabarmenenak osasun arloan, bikote harremanetan eta norbere autoestimuan gertatzen dira.
Andrea Fernandez PSOEko Berdintasun idazkaria eta Patxi Lopez bozeramailea, atzo, Kongresuan. ©DANIEL GONZALEZ / EFE

Sexu erasoen zigorrak igo nahi ditu PSOEk bortxa edo larderia dagoen kasuetan

Maite Asensio Lozano

Sozialistek beren kabuz aurkeztu dute 'soilik baietz da baietz' legea aldatzeko proposamena Kongresuan. Zigor tarteak moldatuko dituzte, abusu delitua berreskuratu gabe

Herrian Bizi plataformako kideak, atzo, Miarritzen. ©GUILLAUME FAUVEAU

Etxebizitza eskubidearen alde mobilizatuko dira apirilaren 1ean Baionan

Ekhi Erremundegi Beloki

Herrian Bizi plataformak legean, administrazioan eta zerga sisteman eragin nahi du. 2021eko azaroan, 8.000 pertsona elkartu ziren

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.