Maitasunaz ariko da aurtengo Jakin Jardunaldia

«Maitasunaren ideologiak gure buruak, gure harremanak eta gure etxe eta kaleak nola eraikitzen dituen», horixe izango da aurten Jakin Jardunaldietan jorratuko duten gaia. Jakin aldizkariak, UEUk eta Usurbilgo Udalak (Gipuzkoan) elkarlanean antolatuta, uztailaren 11n eta 12an egingo dute ikastaroa, Maitasuna politikoa da izenburupean. Gaiaz hausnartu duten antropologoak, arkitektoak eta hezkuntza arloko adituak elkartuko dira; besteak beste, Mari luz Estebanek, Oihane Ruizek, Leire Milikuak eta Nora Salbotxek hartuko dute parte. Zabalik da izena emateko epea.