Diputatu ez den lehen presidentea da Sanchez

Pedro Sanchez bi hauteskundetan izan zen PSOEren presidentegaia: 2015eko abendukoetan, eta 2016ko ekainekoetan. Une honetan, baina, ez da kongresuko diputatua, eta, beraz, parlamentaria ez den lehen presidente bilakatu da Mariano Rajoyren kontrako zentsura mozioak aurrera egin eta gero. Dena den, diputatua izandakoa da presidente berria: 2009tik 2011ra, eta 2013tik 2016ra. Idazkari nagusi izateari utzi zion orduan.