ARKUPEAN

Politika transferiezina da

Jule Goikoetxea -

2014ko ekainak 18

Zer dute erabakiak, jabekuntzak, autoritateak eta Gure Esku Dago ekimenak komunean? Boterea birsortzeko erak dira. Gure Esku Dago ekimenak herri jabekuntza du helburu, autoritate politikoaren iturri den herri erabakimena mamitzea. Norberak hartutako erabakiak egiten du bat burujabe, hortaz, jabekuntza politikoa edo burujabetza norberak duen autoritate politikotik (duintasunetik) abiatuta boterea kolektiboki birsortzean datza. Botere politikoa bere zirkuitu ohietatik desbideratu eta erabaki herritarra oinarri, bide eta helburu duen praktika da burujabetza edo jabekuntza politikoa. Horregatik, presente eduki beharko genuke beti, boterea errepresiboa bezain askatzailea dela, erlazio bat izanik, hutseratzailea eta deuseztatzailea bezain produktiboa eta emankorra. Gakoa orduan ez da esku artean dugun boterea, botere erlazioetan dugun posizioa baizik. Gure kokapenaren arabera botere jarioa handitu edo murriztuko dugu, errepresiboa edo emankorra bilakatuko zaigu. Muina beraz posizio berriak eraikitzen datza eta hori da Giza Kateak lortu duena: autoritatea berreskuratu dute herritarrek, eliteek eta legeek monopolizatu nahi izan duten autoritatea. Jabekuntza itxura hartu eta politika egiten hasi da duintasuna.

Zuzenean burutzen den boterea da jabekuntza eta, kapital ekonomikoa eta kultura ez bezala, transferiezina da, karisma transferigarria ez den moduan. Elkarrekin baina norberak burutu beharreko ekintza da politika. Transferiezina da politika. Giza Katea osatu zuen herritar bakoitzak politika egiteko erabakia hartu zuen eta erabaki horrek eraman gaitu duintasunak eskatzen duen jabekuntza pertsonaletik burujabetza kolektibora, indibidualtasunaren fantasiatik, Almudena Hernandezek dioen moduan, indibidualtasunaren errealitate komunera: komuna denaren erreprodukzio sortzailera, komunitatea eraikitzera.

Herria politika egiten duen heinean izango da subjektu politiko. Erabakimenak definitzen baitu subjektu politikoa, erabakiak erabakimena sortzen duelarik, ez alderantziz.

Erabakimen politikoa ez da klausula edo enuntziatu sorta bat. Botere posizio zehatz batetik jende multzo batek esandakoaren hezurmamitze prozesua da erabakimen politikoa, zeinaren bidez hasierako botere posizio hori eraldatzen den jende multzo horren erabakimena handituz.

Erabakia errealitatea sortzeko tresna magikoa, hots, performatiboa da. Gizakiak piztia politikoak gara, ez soilik taldean bizi garelako, inurriak ere taldean bizi baitira, diskurtsoa daukagulako baizik. Horrek zer dakarkigu? Omen gauza beraren aurrean gauza ezberdinak ikustera garamatza. Leku berdinean egonda, posizio desberdin eta kontrajarrietan kokatzea, denbora-espazio bera dibergenteki pentsatu eta bizitzeko aukera. Laburbilduz, erabakiak hartzeko gaitasuna eta ezinbestekotasuna dakar abstrakzio diskurtsiboak, hizkuntzaren praktika sozialak. Hortaz, erabakiak dakarkigu autoritate politikoa gutako bakoitzari: bizidun izaki, bizitzeko era ezberdinak imajinatu ditzakegulako, eta, beraz, hautuak egiteko premia dugulako.

Hautuak ardura suposatzen du, ardurak jabekuntza, jabekuntzak askatasuna, askatasunak autoritatea. Ardura beregain hartu eta ardura horrek dakarren autoritate politikoa berreskuratu dute Giza Katean parte hartzea erabaki duten herritarrek. Jabekuntza transferitu ezin den botere edo kapital horietakoa da, bakoitzak egin baina taldean mamitu beharrekoa. Duintasuna pertsonala eta transferiezina den bezala, erabakimen politikoa ere herriarena eta transferiezina da. Herritarrek bere egin dute dagokien autoritate politikoa eta munduko herri guztiona den giza historian euskal herria birsortzea erabaki dute.

Hori da Politika egitea eta Politika egiten duen herria bakarrik izango da herri burujabea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna