Eztabaida gogorrak eta luzeak gertatzen dira batzuetan berez oso kontu errazen inguruan. Espainian piztu den azken polemika dator eskuineko hiru alderdiek bi autonomia erkidegotan onartu duten halako beto eskubidearekin: gurasoek erabaki dezakete seme-alabek haien printzipioen kontra doazen hainbat eduki (batez ere sexu hezkuntzarekin zerikusia dutenak) ez jasotzea.
Nik erraz ikusten ditut gurasoen eskubide eta hezkuntzaren kontu hauek. Seguruenik ezin da erraz saihestu guraso baldar batzuek seme-alabak baldarki hezi ditzaten; portzentaje altu batean haien aurreiritziak oinordetzan utzita. Bai saihestu beharko genukeena da diru publikoarekin egitea. Seme-alabak nahi bezala, nahi duten sinesmen edo sineskeriekin hezteko eskubidea aldarrikatzen dutenek egin dezatela, antola daitezela (dagoeneko aski antolatuta daude), diru publikotik euro bakar bat ere jaso gabe, zeren, noski, aldez aurretik, bermatu beharko genuke diru publikoz hornitutako hezkuntza sistema bakarra ikastetxe publikokoa izatea, ez besterik. Sistema publiko honek ez du hiritar kontzientziadun eta irekiak izatea bermatzen, baina gizarte berdinzaleago batean bizitzen saiatzearen kontrako trabak nik neuk ordaindu ez ditudala jakiteak lasaituko ninduen.
JIRA
Gurasoen esku
Iruzkinak
Ez dago iruzkinik
Ordenatu