Memoria ariketa bat

Realak Eusebioren Girona hartuko du bihar, etxean. Iragan sasoiko partida izango du gogoan; aise azpiratu zituen kataluniarrak
Luca Sangalli Realeko jokalaria, entrenamendu batean.
Luca Sangalli Realeko jokalaria, entrenamendu batean. JUAN CARLOS RUIZ / FOKU

Jon Ander De la Hoz -

2018ko urriak 21
Behingoagatik, Realari ez zaio askorik axolako atzera begira jartzea. Bi arrazoi dituzte horretarako donostiarrek: Girona izango dute bihar aurkari Anoetan, iragan sasoian aise menpean harturiko aurkari bat (5-0), eta Eusebio Sacristan da egun kataluniarren entrenatzailea, iazko sasoira arte Realaren prestatzailea izandakoa. Bi faktoreak gurutzatu nahi ditu Asier Garitanoren taldeak Gironari irabazteko; orduko jokoa eta aurkariaren inguruko ezagutza.

Alabaina, ez dirudi lantegi erraza izango duenik. Eusebiok aldatu egin du jokatzeko era, eta Realarengandik gertu dago Girona sailkapenean: hiru puntu gutxiago ditu. Sistemari dagokionez, aldaketa dezente egin ditu entrenatzaile espainiarrak. Donostian sarri erabiltzen zuen 4-3-3 eskema baztertu egin du Katalunian. Egun, 3-5-2koa erabili ohi du gehienetan, eta bost atzelarirekin ere zelairatu izan da. Aste honetan, aukera horiek guztiak kontuan hartu ditu Bergarako entrenatzaileak, eta horri aurre egiteko formazio bereziekin proban aritu da.

Indartuta berrekingo dio ligari talde txuri-urdinak. Bilbon lortutako garaipenak baretu egin ditu urak Donostian, eta, bide horretan jarraitzeko, ezinbestekoa da bihar emaitza ona lortzea. Horretarako, zenbait jokalari berreskuratuko ditu Garitanok. Juanmi Jimenez da horietako bat; aurrelariak hiru partida eman ditu zigortuta, baina zelaian izateko moduan da dagoeneko. Willian Jose, berriz, hasieratik aritu daiteke, lesiotik guztiz osatu ostean. Diego Llorente atzelariak ere lehen minutuak joka ditzake abuztuaz geroztik.

«Beste pausotxo bat eman nahi dugu». Hala adierazi zuen Garitanok atzoko agerraldian. Orain artean egindakoarekin «gustura» agertu da prestatzailea, baina ohartarazi du lanean jarraitu behar duela taldeak, eta Gironaren indarguneak azpimarratu ditu: «Talde ona da, baloiarekin ondo moldatzen da, eta erritmoa ezartzen dio jokoari». Gironaren korapiloa askatzeko modua bilatu nahi du Garitanok; iragan hurbilean aurkitu dezake horretarako formula.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna