Igoa nagusitu da Legution, Arabako lehen finalerdikoan

Otsailaren 9an hasi zuen bidea aurtengo Arabako Bertsolari Txapelketak. Araian, Zigoitian eta Aramaion final-laurdenak jokatu ostean, atzo izan zen lehen finalerdia, Legutioko kultur etxean. Xabi Igoak lortu zuen puntu gehien, 339 denera, eta haren atzetik sailkatu ziren Manex Agirre (334), Peru Abarrategi (332), Aitor Ugarte (310), Serapio Lopez (305,5) eta Andere Arriolabengoa (299). Dulantzin izango da hurrengo saioa, heldu den larunbatean.