1936ko gerrako artxiboak ikusgai jarriko ditu Gipuzkoako Aldundiak

Iosu Alberdi -

2018ko uztailak 28
Gipuzkoako Probintziako Artxibo Historikoa Gipuzkoako Foru Aldundiaren esku dago ekainaren 4tik, eta aldundiak ikusgai jarriko ditu han dauden dokumentuak. Besteak beste, memoria historikoari lotutako dokumentuak daude, 1936ko gerrakoak eta frankismo garaikoak.

Foru Aldundiko Kultura diputatu Denis Itxasok adierazi du Oñatin (Gipuzkoan) dagoen eraikinari «ahalik eta probetxu handiena» atera nahi diotela, eta etorkizunean Gipuzkoako Protokoloen Artxibo Historikoa ere eraikin horretara eraman nahi dutela. Guztira 19 kilometro apalategi ditu, hamasei gordailutan banatuta, eta 3,4 kilometro besterik ez daude beteta gaur egun. Azpimarratu dute Gipuzkoan ez dagoela halako gaitasunik duen beste eraikinik, ez leku, ez tresneria aldetik.

Askotariko dokumentazioa dago artxibo historikoan, baina Itxasok «memoria historikoari» lotutakoak azpimarratu ditu. 1936ko gerrako eta frankismo garaiko Gipuzkoako espetxeen funtsa da esanguratsuenetako bat. Horietan, presoen hainbat zerrenda eta presoak espetxeratzeko arrazoiak ageri dira.

Egun, artxiboak bi langile ditu, eta protokoloen artxiboarekin batzean lan taldea handitzea espero dute. Martxan jartzean, Gipuzkoako aldundiaren esku solik egon beharrean, hainbat elkarterekin lan egingo dela adierazi du, herritarrek dokumentazioaren berri izan dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna