Albistea entzun

Katalunia. Independentziari buruzko galdeketa

Atez ateko galdeketa zabal bat hasiko dute Katalunia osoan

Samara Velte -

2014ko urriak 4

Eskoziako ereduari jarraituz, atez ateko iritzi bilketa hasiko du Ara es l'hora kanpainak. Boluntario taldeak auzo eta herrietara igorriz, herritarrekin zuzenean harremanean jartzea da asmoa, Katalunia independentetik zer esperoko luketen jakiteko. Aste honetan hainbat proba egin dituzte herri txikiagoetan, eta gaur hasiko dute kanpaina ofiziala. Besteak beste, Badalonan eta Gironan egingo dute gigaenquesta delakoa, «galdeketa erraldoia».

ANC Biltzar Nazional Katalanak eta Omnium Cultural erakundeek sustatutako kanpaina independentista zabala da Ara es l'hora; azken urteotako herri mobilizazio handienen sostengu nagusietakoa izan da, besteak beste, Diada eguneko manifestazioena. Denborarekin, babes politiko zabala lortu du. Gaur, esate baterako, hainbat pertsona ezagunek hartuko dute parte inkesta erraldoiaren hasieran; kultur munduko jendeaz gain, CDCko, ERCko eta CUPeko parlamentariak egongo dira Badalonako ekitaldian, eta ICV eta Unioko ordezkariak ere azalduko direla jakinarazi dute antolatzaileek.

Denera 8.000 boluntario inguru arituko dira atez ate iritziak biltzen. Azaroaren 9rako ehun mila bildu nahi ditu kanpainak, herri galdeketa antolatzen eta aurrera eramaten laguntzeko.

%70 galdeketaren alde

Generalitataren menpeko CEO erakundeak kontsultari buruzko inkesta bat egin du aste honetan, parlamentuko politika orokorreko eztabaidaren ostean. Emaitzen arabera, Kataluniako herritarren %70,8k nahi dute azaroaren 9an independentziari buruzko galdeketa egitea; %22,9 daude aurka. Iazko datuen antzekoak dira. Alderdika, galdeketa gehien babesten duten taldeak CiU (%97,1), ICV (%96,9), ERC (%96,8) eta CUP (%95,7) dira. PSC erdibituta ageri da: %41,3 alde daude, eta %53,5 aurka. PPn denak azaldu dira kontsultaren kontra, eta Ciutadansen, %61,9. Podemos ere kontuan hartu dute: haren boto-emaileen %67,7 omen daude alde.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio
Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.