Noiz sortua: 2018-09-30 00:30:00

'Cabacasen auzian' justizia egin dadila eskatu dute pertsona ezagun batzuek

Egiaren aitortza, justizia, familiak kalte-ordainak jasotzea eta berriro ez errepikatzeko bermea eskatzen dituen manifestua babestu dute
Iñigo Cabacasen senideak eta lagunak, atzo, Bilbon, Kafe Antzokian egindako agerraldian.
Iñigo Cabacasen senideak eta lagunak, atzo, Bilbon, Kafe Antzokian egindako agerraldian. ARITZ LOIOLA / FOKU

Ainhoa Larrabe Arnaiz -

2018ko irailak 30

«Iñigo [Cabacas] ez zen hil; hil egin zuten. Gertakaritik hona, familia eta lagunak justizia eske aritu gara etengabe, baina oztopoak besterik ez dugu izan». Iñigo Cabacas zenaren senide eta lagunen izenean ari da Eneritz Zabala. «Ezin dugu onartu auzi hau argitu gabe geratzea». Sei urte igaro dira 2012ko apirilaren 5ean Ertzaintzak jaurtitako gomazko pilota batek Iñigo Cabacas buruan jo eta larriki zauritu zuela. Bost egunera zendu zen, zauri horien ondorioz. Auziaren instrukzioa luzea eta korapilatsua izan da, baina, azkenik, urriaren 15ean abiatuko da sei ertzain epaituko dituen epaiketa. Cabacas auzian justizia egin dadila eskatzeko manifestua sinatu dute euskal gizarteko ehun bat pertsonak. Atzo egin zuten aurkezpena, Bilboko Kafe Antzokian.

Lau eskaera biltzen ditu manifestuak. Aurrena: egia. «Gertatu zenaren egia ezagutzea eta aitortzea beharrezkoa da». Bigarrena: justizia. «Inolako inpunitaterik gabe erantzuleek egindakoagatik erantzun behar dute». Hirugarrena: familiako kideen eta lagunen mina erreparatzea eta kalte-ordaina jasotzea. Eta laugarrena: berriro ez errepikatzeko bermea. «Ez dugu beste inork halako trantzea pasatzerik nahi».

Ehun bat pertsonak babestu dute testua: Dani Alvarez, Goizalde Landabaso, Xabier Madariaga eta Xabier lapitz kazetariek; Toti Martinez de Lezea eta Kattalin Miner idazleak; Mikel Martinez, Patxo Telleria, Itziar Ituiño, Ane Zabala eta Aitor Merino aktoreek; Fermin Muguruza, Kepa Junkera, Alex Sardui eta Aiora Renteria abeslariek; eta Roberto Martinez, Fran Yeste eta Koikili Lertxundi Athleticeko jokalari ohiek, tartean. Zabalak azaldu duenez, atxikimenduak biltzen jarraituko dute datozen egunetan ere.

Instrukzio luzea

Urriaren 14an ekitaldiak egingo dituztela aurreratu du Zabalak. Gaubeila egingo dute Bilbon, Bizkaiko Lurralde Auzitegiaren aurrean, Albia lorategietan, 19:00etan hasita, eta azaldu du bertan izango direla epaiketa hasi bitarte. «Orain arte egin bezala, senideei eta lagunei babesa adieraziko diegu». Herritarrei agertzeko deia egin diete.

Gertakarietatik sei urtera hasiko da Cabacas auziaren ahozko epaiketa, eta azaroaren 9ra arte iraungo du. Sei ertzain epaituko ditu Bilboko auzitegiak, «zuhurtziagabekeria larriko giza hilketa» leportatuta. Horietako hiruk arduraren bat izan zuten polizia operatiboan, eta beste hiruk tiro egin izana aitortu zuten, tiroen egileak gehiago izan ziren arren. Cabacas Lizeranzu sendiaren abokatuek launa urteko espetxe zigorra eskatu dute akusatuentzat; horrelako delituengatik legeak aurreikusten duen espetxe zigorrik handiena da. Fiskaltzak, berriz, delitu zantzurik ikusi ez, eta absoluzioa eskatu du, «deliturik gabe delitugilerik ez dela» argudiatuta.

Cabacasen hilketarekin lotutako aurreneko epaiketa Ugarteko ezizenez ezagututako ertzainburuak Gara egunkariaren, haren zuzendari Iñaki Sotoren, Naiz.eus atariaren, Iñaki Iriondo kazetariaren eta Jone Goirizelaia defentsaren abokatuaren kontra aurkeztutako salaketa izan zen. Bere «ohorea eta intimitatea» urratu izana egotzi zien Ugartekok auzipetuei, baina errugabetzat jo zituen epaileak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna