Eraso matxista bat gertatu da Errenterian

Berria -

2019ko martxoak 12
Errenterian (Gipuzkoa) eraso matxista bat pairatu zuen atzo andre batek. Etxeko ataritik atera zen, ihesi. Justu hantxe EAJko hainbat buruzagi zeuden, udal hauteskundeetako zerrendan aurkezteko ekitaldi baterako bidean; Gizarte Politiketako diputatu Maite Peña eta Gipuzkoako Batzar Nagusietako presidente Eider Mendozak andrea ikusi zuten, eta babesa eman zioten. Ertzainek gizona atxiki zuten, eta emakumea Mendozak lagunduta joan zen polizia etxera. Gertaeraren harira, jeltzaleek bertan behera utzi zuten agerraldia. Andreari «babes osoa» azaldu dio Markel Olano diputatu nagusiak.