Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Haur eta gazte literatura. 'Claude eta Morino 2'

Ezohiko atsegina

Idazlea eta ilustratzailea: Adrien Albert. Itzultzailea: Bego Montorio. Argitaletxea: Astiberri.

Imanol Mercero -

2021eko urriak 24

Claude eta Morino pertsonaiekin egindako bigarren komiki hau azal gogorrekoa da, tamaina ertainekoa (23x18 cm) eta 96 orrialde dituena. Bost kapitulutan banatuta dago, eta baditu hitzaurrea eta epilogoa ere. Luzea dirudien arren, autonomia irabazten ari diren irakurle hasiberriek jada gozatzeko moduko obra da, helduoi ere zer eskainia duela ahaztu gabe.

Morinoren urtebetetze egunean gertatzen da akzioa. Ospakizunak berezi egingo duen uda eguna ez da, ordea, inork pentsatu bezalakoa izango. Gertakariek etengabeko ezusteak eragingo dizkiete protagonistei, baita irakurleoi ere. Ez dago ezer aurresaterik.

Istorioak kontatzen duenaz aparte, kolorearen erabilerak harritzen du (lehen zenbakiari buruz berdina esan daiteke): maiz siluetak besterik ez daude objektuak eta lekuak bereizteko, dena kolore bertsuko masa handitan agertzen delako, salbu eta nabarmendu nahi dena, huraxe beste kolore batzuekin eskaintzen delako. Gainera, salbuespenak salbu, ez da kolore primariorik erabiltzen.

Ezagun du egile heterodoxo baten lana dela hau. Goza ezazue berarekin, haurrek bezainbat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Durangoko Azokarako prestaketa lanak, Landakon. / ©Jon Urbe, Foku

Txandaka, baina Landakon

Ainhoa Larretxea Agirre

Txanda sistema sortu dute Landako gunean eta Plateruenan sartzeko. Txanda bakoitzean 1.200 lagun sartuko dira, eta egunean bortz izanen dira.

Aurten ere BERRIAk postu bat izango du Durangoko Azokan. / ©Marisol Ramirez, Foku

Uzta berria ondu du BERRIAk

Ainhoa Larretxea Agirre

Besteak beste, Joan Mari Torrealdaik zendu aitzinetik idatziriko azken liburua eramango du BERRIAk Durangora: 'Egunkaria, gizarte zibilaren arrakasta'.

Berri Txarrak-en liburuaren aurkezpena Ahotsenean, 2019ko Azokan. / ©Marisol Ramirez, Foku

Azokari arnasa ematen diotenak

Ainhoa Larretxea Agirre

Zazpi espaziok osatzen dute Durangoko 56. Azoka: Ahotsenea, Irudienea, Talaia, Kabi@, Saguganbara, Azoka TB eta Szenatokia. Ahotsenean egiten diren aurkezpenak zuzenean emango ditu Azoka TBk

Nerea Mujika Gerediaga Elkarteko zuzendaria eta Leire Urbeltz artista, kartela eskuetan. / ©Monika del Vall, Foku

Iraganari erreferentzia eginez

Ainhoa Larretxea Agirre

Leire Urbeltz artistak egin du Durangoko Azokako kartela, aurten. Kili-kili aldizkariko pertsonaia nagusia egokitu du queer ukitua emanda.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.