Pfizer txertorik ez Iparraldeko txertaketa tokietan

Hemendik aitzina ez dute Pfizer txertorik jarriko Ipar Euskal Herriko txertaketa guneetan. Hori da Eskualdeko Osasun Agentziak iragan asteburuan iragarri zuena. Argudiatu du Moderna txertoa kontserbatzeko baldintzak egokiagoak direla txertaketa guneen antolaketarako; honezkero, Pfizer txertoaren dosiak osasun profesional independenteen bulegoetan jartzen ahalko dira bakarrik. Neurriak 30 urtetik beherakoei eragiten die gehienbat, ez baitute Moderna txertorik hartzen ahal.