Albistea entzun

UHINETATIK TIRAKA

Arauak hausteko daude

Xabier Lasa -

2018ko azaroak 4

Ramon Etxezarreta. Faktoria saioko tertulian gehiago ez zuela parte hartuko iragarri zigun Maite Artolak astelehenean. Ziur nago pilotu automatikoa piztu zitzaigula batzuei, are gehiago aurreko asteko saioan —bere azken parte hartzean— Etxezarretak berak ez baikintuen agurtu. Zergatiari buruzko kabalak alboratuta, funtsezko kontua da euskarazko irratia galtzen atera dela, eta entzuleok berarekin. Arrazoiak topa daitezke penatzeko bere faltarekin. Lehenengoa pertsonala da, nahi bada: irratiari lotutako kontzientzia dugunetik bidaide izan delako batzu-batzuentzat. Arrazionalagoak dira beste biak. 40 urte dituen demokrazia formal honetan, oraindik, nekez topa daitekeelako bere ideologia politikoa irratian euskaraz taxuz defendatuko duen pertsonarik; eta, iritzi-emaile publikoaren kasta-kastakoa delako gizona, ika-mika dialektikoarekin gozatzen dakiena eta auditorioa gozarazten bezainbat amorrarazten dakiena. Gainera, Gaizka Aranguren eta Iñaki Galdosekin hiruko perfektua osatua zuen azken aldian. Indarkeriazko iragan politikoaren kontakizuna izan zen euren arteko azken sesioa. Halakoak gehiago espero genituen geroan, argudio berriekin jantziak eta sutsuagoak, baina ezin izango da! Ez zaio eginkizun samurra geratu Javier Diaz Nociri: Urrestillako moko-bizia ahantzaraztea.

Hika. Gari Udabe eta Xabier Sukia esatariek hika jardun zuten Ibai Olariaga irakaslearekin atzo, Amarauna saioan. Euskarazko irratigintzan inon idatzita ez dauden baino egundoko indarra duten izu, debeku edo erreparoak uxatuta. Bejondeiela! Dena freskotasunez eta naturaltasunez irten zen arren, zer arraio dela eta ez ote gaude horretara ohituta? Zergatik ez hala izan, esatariek eta gonbidatuek nahi duten aldiro? Bukaeran, Udabek barkazioa eskatu zigun, hitanoa erabiliz egindako okerrengatik. Iritsiko al da eguna konplexurik gabeko normaltasuna nagusituko dena?

Aizkorakada. Salbuespena normaltasunera ekartzeko zailtasun ulertezinak aipatzen hasita, hara non kirolari euskaldun baten adierazpen laburrak REn euskaraz entzun ahal izan genituen. Astelehenean izan zen kasik miraria den gertaera hori. Josu Loroño esataria asteburuko kirolen errepasotxoa egiten ari zela, Aitzol Atutxa aizkolaria agertu zen, euskal kirolariak gaztelaniaz mintzatzen zaizkigun kirol saioetako horietako batean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©AXEROMUSIC

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.
 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.