Albistea entzun

Otegi hautagai izateko babes helegitea tramiterako onartu du Konstituzionalak

Europaren ebazpenaren ostean esan du doktrina zehazteke daukala. Iruinen ustez, inhabilitazio hori presoa kartzelatik irtetean amaitu zen

Enekoitz Esnaola -

2018ko abenduak 9

2021a baino lehen boz batzuetan berriro hautagai izateko bide bat ireki zaio Arnaldo Otegi EH Bilduko koordinatzaile nagusiari, Espainiako Auzitegi Konstituzionalak tramiterako onartu baitu Iñigo Iruin abokatuak aurkeztutako babes helegitea. Duela bi urte, auzitegi berak atzera bota zuen lehen babes helegitea, eta Otegi ezin izan zen Eusko Legebiltzarrerako orduko iraileko hauteskundeetan hautagai izan. Orain, joan den azaroaren 6an Europako Giza Eskubideen Auzitegiak Bateragune auzian Espainiako Auzitegi Nazionaleko epaiketa modu justuan ez zela egin ebatzi ondoren, jarrera aldatu du Konstituzionalak, bozetan hautagai izatearen «oinarrizko eskubideaz» doktrina ezartzeke duela esanda, eta tramiterako onartu du defentsaren eskaera.

Konstituzionalak hamar eguneko epea emango die Auzitegi Nazionalari eta Gorenari dokumentazioa aurkezteko, eta auziko bi aldeek —fiskaltzak eta Iruinek— euren arrazoiak eta eskaerak egiteko tartea irekiko da gero.

Bateragune auziko epaiagatik kasik sei urte eta erdian preso egon ondoren, 2016ko martxoaren 1ean atera zen kartzelatik Otegi. 2011n, Auzitegi Nazionalak hari 2021eko otsailera arteko inhabilitazio zigorra ere ezarri zion. Iruinek duela bi urteko abuztuko agerraldi batean esan zuen sufragio pasiborako inhabilitazio berezia kartzela zigorraren «osagarri» gisa jarri ziola Auzitegi Nazionalak, eta, Espainiako Zigor Kodearen eta Auzitegi Goreneko nahiz Konstituzionaleko jurisprudentziaren arabera, zigor nagusiarekin «batera» betetzen direla «zigor osagarriak», une berean. Otegiren kasuan, Iruinek adierazi zuen haren sufragio pasiborako eskubidea indarrean zegoela espetxetik irten zenetik.

Kargu publikoetarako inhabilitazioa ere ezarri zioten, baina zehazteke zein karguri eragingo zion, eta, Iruinek azaldu zuenez, Espainiako jurisprudentziak dio zehaztu ezean ezin dela ezarri kargu publikoetarako inhabilitazioa.

Konstituzionala 2016an ez zen mamira sartu, aurretik Gipuzkoako Hauteskunde Batzordea eta Donostiako Administrazioarekiko Auzietako Epaitegia sartu ez ziren bezala, eta irailaren 6an atzera bota zuen defentsaren babes helegitea. Iruinek salatu zuen «zigor osagarria» zena «zigor nagusi» gisa hartu zutela, izaera aldatuta. Abokatuak ez zuen Europara jo, eta berriro hasi zuen ibilbide judiziala. Auzitegi Nazionalak ez zuen onartu haren helegitea. Ezta gero —2017ko irailean— Gorenak kasazio helegitea ere. Orain bai Konstituzionalak babes helegitea; iazko urrian aurkeztu zuen Iruinek.

Beste aukera bat ere bai

Otegik izan dezake beste aukera bat ere hautagai izateko: Espainiako Gobernuak ez badio Europaren ebazpenari helegitea aurkezten, Estrasburgoren erabaki hori finko bihurtuko da, eta, orduan, defentsak Gorenean Bateragune auziaren berraztertze helegitea aurkezteko aukera izango du. Duela gutxi Estatuaren Abokatuak iragarri zuen bera ez dela Europan helegitea aurkeztearen aldekoa. Madrilek beste bi hilabeteko epea du hara jotzeko.

Rafa Diez, Miren Zabaleta, Arkaitz Rodriguez eta Sonia Jacinto ere zigortu zituzten Bateragune auzian. Laurak ere irten ziren kartzelatik. Azkeneko hirurei amaitu zitzaien inhabilitazioaren kondena; Diezi datorren hilean bukatuko zaio.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Senpereko herrriko etxeko oposizioak ere dimititu egin du

Senpereko herrriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...