JIRA

Lodestarra

Angel Erro -

2018ko irailak 9
Zentzu berria emanen zaio hemendik gutxira ingelesezko hitz zaharkituari. #GaurkoHitza-rako proposatuko nuke, iparrorratzaren sinonimo gisara, euskarak ingelesetik zuzenean mailegatuta. AEBetako gobernuan sator bat dago, goi funtzionario bat, izengabeko gutun ireki bat argitaratu duena, hitz hori sartuz eta Trump presidenteari barne boikota egiten zaiola aitortuz. Nork idatzi ote duen ari dira. Barne estatu kolpea nork aldarrikatu duen. Ezin dugu ados gaudela erraz argudiatu. Herriak botoez beste lodestargintza bat aukeratu badu, lau urtetako epea gorde behar da. Amorrua sentitzen dut horrelakoak irakurrita. Trumpen kasuan grazia egiten ahal digu. Espioien film baten tankeran irudikatu. Baina ezin dugu ahaztu munduan izan diren aldaketa gobernu askotan goi funtzionarioen barne sabotajeek zenbat kalte egin duten. Mugiezinaren ideia landatzen dute. Munduko gobernurik zaharrenean, Vatikanoan, esaterako, mundu guztiak susmatzen du estatuburuak ez duela egiteko askorik.

EAEko estatutua idazteko adituen batzordeak ekoiztu testuan ere laster ikusiko dugu lodestar hitza edo antzeko beste bat, naftalina usainekoa, erabilita, barne boikota salatzen duen termino foralista bat. Errazagoa izanen da egilea topatzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna