Albistea entzun

JIRA

Gaitzerdi pare bat

Angel Erro -

2022ko maiatzak 15

Aste honetako egun batean eguzkiari itzuli osoa eman diot alehungarrenez. Data buruz dakiten senide eta lagun batzuk alde batera, enpresek baino ez didate efemeridea zoriondu mezu automatizatuen bidez (aspaldian kendu nuen sorteguna sare sozialetatik, ohartuta zoriondu izanaren pozak baino gehiago asetzen ninduela zoriondu ez izatearen erretxin eztiak). Alsak, Bookingek, Elkarrek... Batzuek deskontu bonua eskaini eta guzti, haien produktuetan gastatzekoa, opari. Opari guztiek gastua dakarte, lehenago edo beranduago; beraz, gaitz erdi.

Makinen adeitasunaz hausnartzeko parada ere eman dit. Batzuetan harritu ere egiten gara, formalitateak hainbeste laxatu diren honetan, nonbaitera iritsita ongietorria edo eskerrak ematen dizkigutelako hutsik egin gabe. Makinen betebeharretako bat gu nor sentiaraztea da, dudarik ez, gure gizatasuna kilikatzea. Izen paradoxikoko Cogito enpresak adimen artifizial bat garatu omen du, leitu dudanez, makinek gizakiei erakuts diezaieten enpatikoago izaten. Notiziak badu bere ifrentzua. Call center-etako telefonistei zuzendutako programa bat da, eroslea enpatia hura sentitu eta erostera bultzatzeko. Adeitasuna, lehenago edo beranduago, kobratu egiten da beti; beraz, gaitz erdi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.