Koronabirusa. Lehen fasean astebete

Iruñea: apurka burua altxatzen, eta dudak nonahi

Lehen fasean, Iruñean saltoki eta taberna batzuk irekita dauden bezala, beste askok nahiago dute bigarren fasera itxaron. Bezeroek maskara jartzea nahiago dute
Iruñeko Donibane auzoan, denda barruan, segurtasun neurriekin.
Iruñeko Donibane auzoan, denda barruan, segurtasun neurriekin. IÑIGO URIZ / FOKU Tamaina handiagoan ikusi

Joxerra Senar -

2020ko maiatzak 19

Normaltasun berria delakoa oraindik urrun geratzen da. Nafarroa lehen fasean dago maiatzaren 11tik; baina Iruñeko saltoki eta taberna batzuek burua apurka altxatzea erabaki duten bezala, beste askok uste dute ez dagoela nahikoa bermerik. Faktore asko elkartzen dira; jardueraz gain, kokagunea ere giltzarri da. Arrosadiko Zangoza kalean, kasurako, ile apaindegi eta okindegiren bat salbu, beste negozioek pertsiana jaitsia dute: tabernek ez dute nahikoa tokirik terraza jartzeko, eta jende gutxi dabil. Hiriaren beste ertzean, Donibane auzoko Martin Azpilikueta kalean, alderantziz gertatzen da, eta gehiago dira irekitzera animatu direnak.

Ez da erraza. Iturrama auzoan, Cuadros Trazo dendako ateak parez pare irekita daude. Koadroetako markoak jarri ohi dituzte, eta bertan egiten du lan Luciak —nahiago du abizenik ez eman—. «Konfinamenduaren aurretik genituen eskariekin ari gara lanean, baina oso motel». Bezero oro sartzean, maskara jartzen du, eta eskularruak jarri. «Denetariko pertsonak sartzen dira hemen, eta ez dakit zenbateraino behartu dezakedan maskara jartzera», dio.

Antzera geratzen zaio Donibane auzoan ile apaindegia duen Pedro Itoizi. Ordua hartzerakoan, maskara jarrita etortzeko eskatzen du, eta, betidaniko bezeroekin lan egiten duenez, gehienek errespetatzen dute. Zailagoa da dena orain, baina azken bi hilabeteak okerragoak izan dira: «Kezkaz bizi izan dut, noiz eta nola hasiko naizen jakin ezinik». Konfinamenduaren eraginez, bezero askok ilea mozteko premia dute, eta nahikoa zeregin badu Itoizek. «Dena motelagoa da, ordea». Baten eta bestearen artean ile apaindegia garbitzen du, eta bezeroak banaka sartzen dira.

Ile apaindegiek baino zailago dute tabernek. Iturrama auzoan, Manolo Dos tabernako lau mahaiak beteta daude. Kexu da Antonio Chamorro. «Itxita ez edukitzeagatik ireki dut, baina kafe bat hartzeko esertzen dira mahaian, eta haiei so egoten naiz, dirua nola galtzen dudan begira».

Auzo berean, Antso Azkarra etorbidean jendearen joan-etorria handia da, eta inguruko tabernak itxita daudenez, Ciudad de Pamplona jatetxeko hamabost mahaietatik gehienak beteta daude eguerdian. «Ondo ari gara lanean», dio Maite Duval zerbitzariak. Normalean menuekin egiten du lan, eta orain enkargu bidez funtzionatzen dute. «Ahulago dabil hori».

Golem zinema areto ondoko Alivio tabernan, Sonia eta Gabriel Tarco anai-arrebak zalantzaz beteta daude, eta BOE aldizkari ofizialean ez dute erantzunik topatzen: «Nafarroako Gobernuak eta Iruñeko Udalak ez dute argibiderik ematen». Terraza handia izan arren, ez dakite nola funtziona dezakeen negozioak, merezi ote dien. Ez da erabaki erraza: 11 langileak aldi baterako erregulazioan daude, gobernuaren dirurik jaso gabe, eta hasteko zenbat itzuliko diren zehaztu behar dute; gainera, ICOri mailegua eskatu diote. Segurtasun baldintzekin ere kezka dute, eta nahiago dute bigarren fasera itxaron.

Kontsumitu ez diren janari eta eta garagardoen modura, lore eskaria ez da itzuliko. Ezteiak eta jaunartzeak direla, sasoi ona izan ohi da Sarasate lora dendan, baina «hori dena joana da». Ziurgabetasunaren erdian, Alicia Sarasateri ez zaio lana falta: «Jendeak kolorea eta bizia eman nahi dio etxeari, eta argitasun hori loreek ematen dute».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintzaren autoak Donostian, atzo. ©Gorka Rubio / Foku

Ertzaintzak Donostiako Alde Zaharra hartu du berriz

Berria

Segurtasun Sailaren arabera, botilak jaurti dizkiete agenteei. Auzoko Gazte Asanbladak, ordea, ukatu egin du istilurik egon izana. Hamar lagun identifikatu dituzte. Pasaian, berriz, gazte bat atxilotu dute.

PCR proba bat joan den urtarrilaren 8an, Zaldibarren (Biziaia). ©JAIZKI FONTANEDA / FOKU

Ospitaleratutakoen kopuruak gora egin du berriro ere azken orduetan

Gotzon Hermosilla

Positibo kopurua apur bat apaldu den arren, 1.400 kutsatuen langatik gora jarraitzen du. Osasun agintariek zazpi heriotzaren berri eman dute

Peon, Oiarbide, Otondo eta Salaberria, atzo Donostian egindako mahai inguruan. ©GORKA RUBIO / FOKU

Arnasguneek arnasa hartzen segi dezaten

Irati Urdalleta Lete

Politika publikoek arnasguneetan nolako eragina duten aztertu dute 'Arnasguneetan oinarritutako hizkuntza politikak' mahai inguruan. Orain arteko lorpenak goraipatzearekin batera, etorkizunerako erronkak ere zehaztu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna