Patxi Bilbao. Entrenatzaile ohia

«Urdaibaik teorian aldea marka dezake, gaurko baldintzekin»

Aitor Manterola -

2018ko irailak 2
Hainbat urtez Urdaibaiko entrenatzaile izan zen Patxi Bilbao; punta-puntan ibili zuen Bermeoko trainerua. 2008an utzi zuen arraun mundua, Kanaria uharteetara lanera joateko. Han bizi da orain ere. Atzo goizean, Santurtzirekin azaldu zen Donostiako portuan. Gaur gertutik erreparatuko dio estropadari.

Zer egiten duzu zuk Kontxaren atarian Santurtzirekin?

Ikerri [Zabala arraunlari eta entrenatzailea] laguntzera nator, mutilak animatzera. Eskatu egin dit, eta nola esan ezetz. Iaz ere egon nintzen Bermeon haiekin, kanporaketa aurreko bi larunbatetan, entrenamenduetan.

Zertan ari zara laguntzen?

Iker lasaiago dago ikusita nik ere babesten ditudala egin duena eta hartuko dituen erabakiak. Zerbait zehatza eskatzen badit, lagundu egiten diot.

Zer itxura hartzen diozu estropadari?

Irekia dago. Urdaibai dago gogor, eta esperientzia handiko taldea da. Baina itsasoan erakutsi behar da. Beste talde batzuk ere badaude lana eman dutenak. Garrantzitsua izango da ondo geratzea bigarren iganderako, eguraldia alda daitekeelako. Baldintza onak daude gaurko, eta teoriak esaten du Urdaibaik marka dezakeela alde handia baldintza horiekin, baina praktikan ikusiko dugu. Errespetua zor zaie aurkari guztiei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna