Polizia, iheslariak kanporatu nahian

Australia eta Papua Ginea Berriako gobernuek erabaki zuten, duela hiru aste, Manus uharteko (Papua Ginea Berria) errefuxiatuentzako gunea ixtea. Australian asilo eskaera egin duten 600 bat iheslari zeuden han, eta Papua Ginea Berriko Polizia atzo hasi zen etorkinak handik indarrez kaleratzen. Baina 40 bat besterik ez zuten kanporatu. Australiak proposatu zien «trantsitzioko» beste hiru gunetara lekualdatzea, eta 200ek onartu zuten. Hartu dituen neurriak direla eta, giza eskubideen aldeko erakundeek Australiaren jarrera kritikatu dute.