Sanferminak Iruñean. ERRESPETU INSTITUZIONALETIK

Ikurrinaren erasoa

Iker Tubia -

2018ko uztailak 7

Ez, ez dira fio. Nafarroako Ogasunak esan zuen Iruñeko Maravillas gaztetxea zainduko zuela, oposizioak uste baitu «legez kanpoko jarduera ekonomikoak» eginen dituztela sanferminetan. Baina ez dira fio, eta PSNk eskuadra bat antolatu du dena ongi zaintzeko. Eduardo Valli tokatu zaio lehen zaintza.

Txupinazorako ordu eta erdi falta da. Zuriz jantzi da, zapi gorria eskuan, eta El País egunkariaren atzean ezkutatu du bere burua Nabarreriako aldapa igotzean. Gezurretako belarritakoa ere jantzi du, susmorik ez pizteko. Bat-batean, jendetza agertu da kontrako noranzkoan. Ikurrina erraldoia daramate Udaletxe plazara. Ez dute ikusi, eta kalean behera bota dute. Kroketa baten gisara jaitsi da, biraka.

Lurrean botata, bere bizia begi aurrean ikusi du. Tartean ikurrina erraldoiak eragotzi ezin izan zuen txupinazoa. Pun! Esnatu da, eta Sarasaterako bidea hartu du, «muturreko terroristen erasoa» gaitzesteko testua idazteko. Taka-taka-taka. Aulkiaren bizkarraldean hartu du atseden, eta irribarre txikia atera zaio. Harro dago idatzitakoaz. Txupinazoan bota zuen esaldiarekin bukatu du gaitzespena: «Errespetu instituzionaletik, gora San Fermin!».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Goizean goizetik jendea pilatzen da Bilboko komun publikoetan. ©ARITZ LOIOLA / FOKU

Mapan jarri dituzte

Zihara Jainaga Larrinaga

Taberna eta jatetxeen itxieraren ondorioz, ilara luzeak egiten dira Bilbo erdiguneko komun publikoetan. Erabiltzaileek eskatu dute askoz gehiago behar direla .
 ©CC0

Pandemia urtearen osteko planak

Uxue Gutierrez Lorenzo

COVID-19aren pandemiak markatu du 2020a. Urte berria, baina, bide berriak arakatu edo erdibidean lagatako zenbait berriro hartzeko urtea izan daiteke. Kontzertuak, bertso saioak, bidaiak eta Olinpiar Jokoak dira hainbat arlotako profesionalek buruan dantzan dituzten nahietako zenbait.
 ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.