Donostiako Aste Nagusia

Kanoikadarik flamenkoena

Flamenko doinu artean eman diote ongietorria Aste Nagusiari Alderdi Ederren bildu diren ehunka pertsonak, eta kanoiaren eztandaren ostean hasi da donostiarren abuztua alaituko duen festa.
Luis Mokoroak jaurtitako kanoikadaren ostean, soldaduen eskopeta hotsek eman diote hasiera Donostiako Aste Nagusiari.
Luis Mokoroak jaurtitako kanoikadaren ostean, soldaduen eskopeta hotsek eman diote hasiera Donostiako Aste Nagusiari. GORKA RUBIO/ FOKU Tamaina handiagoan ikusi

Naia Begiristain Etxezarreta -

2018ko abuztuak 12

Zer-nolako iskanbila!», oihu egin du emakume ile hori batek eskuetan duen abanikoa astintzen duen bitartean. «Itxaron, mesedez, utzi pasatzen», ingurukoei bidean aurrera egiten uzteko erregutzen ari da haur-kotxe bat daraman gizona. Tanbor jotzaileak, buruhandiak, erraldoiak, turistak... Atzo, 19:00etarako minutu gutxi falta zirenean, euli batek ere ez luke lekurik topatuko Donostiako Alderdi Ederren. Ordu horretan bota baitzuten urtero Donostiako Aste Nagusiari hasiera ematen dion kanoikada.

Bat-batean, jende oldeak sortzen duen zalaparta sosegatzen hasi da. Erne daude udaletxearen inguruan bildu diren ehunka pertsonak, eta ezinezkoa bazirudien ere, isiltasunak hartu dio lekukoa zaratari. Artillero dale fuego / ezkontzen zaigula pastelero. Barealdia ez da luzerako izan, Sonakay taldeko kideak dira Alderdi Ederra girotzen ari direnak: une batez aukera izan dute bertan bildu direnek Andaluziara bidaia egiteko. Izan ere, taldeak zambomba jerezana doinuetara moldatu du abestia.

«Sonakayk flamenkora moldatzen ditu abesti euskaldunak», adierazi du Naiara Egimendia taldearen managerrak. Sonakayk ospea telebistako Got Talent saioan lortu du, eta orduz geroztik, gelditu gabe jardun dute lanean. Labetik ateratzeko prest dago Sonakay denontzat, taldearen lehenengo diskoa: irailean argitaratuko dute. Sonakayren moldaketen artean daude, esaterako, Benito Lertxundiren Loretxoa eta Mikel Laboaren Txoriak Txori. Horretaz gain, euren abesti propioak ere sortzen dituzte.

«Artillerok gure esentzia dauka orain: letra berdina den arren, flamenko ukitua eman diogu», esan du Sonakayko baxu jotzaileak. Jose Luis Jimenez Beltza hernaniarra da izatez, hala ere, haurra zenetik ikusi izan du Aste Nagusiko kanoikada eta «ohorea» da beretzat zuzenean parte hartzea: «Sonakayri orain arte pasa zaion gauzarik ederrena da».

Eta zeinekin? / Eta norekin? / Orpo mozkorraren alabakin. Abestiaren azken notak jo dituzte musikariek, eta txalo zaparrada erraldoiak berotu du Alderdi Ederreko giroa. Bat batean, «Danba!» entzun dute bertan bildu direnek. Haurren negar hotsak eta helduen harridura keinuak nagusitu dira jendartean kanoiaren eztandarekin batera.

Alabak hartuko du lekukoa

Ohikoa den moduan, Luis Mokoroa artillari nagusiak jaurti du kanoia. Datorren urtetik aurrera, aldiz, haren alaba Onintza Mokoroak izango du ardura. Kanoikadaren ostean, soldaduek tiroak bota dituzte eskopetekin, eta berriz ere, haurren negar hotsak nagusitu dira Alderdi Ederren.

«Duela urte batzuk Parte Zaharrean egongo ginateke, orain ordea, beste modu batera ospatzen dugu festa», adierazi dute Xabier Arbelaitz eta Itziar Alvarez donostiarrek. Udaletxearen inguruan dabilen jendetzaren artean daude, eta euren bi haurrak ere izutu dira kanoikadaren eztandarekin. Erraldoiak eta buruhandiak ikusi ostean, barraken eremura joango dira, haurrekin. Gauean, su artifizialak ikusiko dituzte izozki zaporetsu bat jaten duten bitartean: «Parranda gutxi egingo dugu».

Kanoikadarekin batera, hamaika sentimenduk egin dute eztanda donostiar askorengan. Pixkanaka apaldu da Alderdi Ederreko giroa, eta bertako jendetza ere sakabanatzen ari da. Orain, Parte Zaharrak hartuko ditu festa zaleak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Zarauzko (Gipuzkoa) hondartz, ekainean. ©Juan Carlos Ruiz / FOKU

Zarauzko Talai Mendi kanpinean PCR probak egiten dabiltza, bezero ohi batek positibo eman ostean

Amaia Ramirez de Okariz Kortabarria

Langileei PCR probak egin dizkiete, eta etxera bidali dituzte. Bezero batzuei ere egin dizkiete probak. Emaitzak jaso bitartean kanpinera inor ez sartzeko ez ateratzeko eskatu dute.

Parke bat hutsik, iragan apirilean, Bilbon. ©Luis Tejido / Foku

Bilboko udaleku batzuetan positibo bat atzeman dute, eta 38 lagun bakartu dituzte

Berria

Haur bati COVID-19a detektatu diotela-eta, haren kideek, begiraleek eta horien guztien bizikideek hamar egun igaro behar dituzte etxean, bakartuta.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna