Parlamentuan kateatu dira LABeko zortzi kide

Nafarroako Parlamentuan kateatu ziren LABeko zortzi kide, Imanol Salinas kidearen egoera salatzeko. Salinas preso sartu nahi dute, 21 hilabeterako, sanferminetan La Sangiovesa jatetxearen aurrean egindako protesta baketsu batengatik. Itxaso Torregros LABeko kideak salatu du «eskandaluzkoa» dela Salinasen kontrako epaia. Gutxi iraun zuen protestak, berehala askatu baititzituen Foruzaingoak.