Irailaren 25eko hauteskundeetarako prestatzen jarraitzen dute alderdi politikoek. PSE-EEk hauteskunde egoitza bat zabaldu zuen atzo Benidormen (Alacant, Herrialde Katalanak): sozialisten «enbaxada» izango da, Idoia Mendia lehendakarigaiaren arabera. Alderdi abertzaleen kontra jo du, pluraltasuna «arriskuan» ari direlakoan jartzen. Ahal Dugu-ri ere egin dio kritika: «Abertzaleen diskurtsoa osorik erosi du, lau boto eskuratzeagatik».
Ahal Dugu-k, hain justu, kanpaina aurreko azken bilera egin zuen atzo; han izan zen alderdiaren Espainiako idazkari politikoa, Iñigo Errejon. Pili Zabala lehendakarigaiak adierazi zuen hurrengo legealdia «garrantzitsua» izango dela. «Denen artean lortuko dugu etorkizuneko proiektua, gure eskubide sozialak blindatuko dituena, baita denok nahi dugun bizikidetza ere».
Benidormen ireki du hauteskunde egoitza bat PSE-EEk
Iruzkinak
Ez dago iruzkinik
Ordenatu
