Gazteak, gizonezkoak, emakumezkoak, ederrak, arraza eta kolore guztietakoak doaz manifestazioan. Arrazoia ez dago oso argi. Afitxetan bihotzak, elkarrizketaren eta bakearen aldeko leloak... Argazki saio bat egiten ari den Kendall Jenner modeloak manifestazioa ikusi eta haiekin bat egin du, Pepsi ontzia eskuan.
Martxak poliziarekin aurrez aurre izan arte. Baina, lasai, Jenneri bururatu zaio irtenbide egoki-egokia gatazka saihesteko: Pepsia eskaini dio polizia bati, eta hark irribarrez hartu du ontzia. Dena da jaia eta alaitasuna.
Pepsi enpresan ezik. Telebistetan ematen hasi eta oso gutxira erretiratu egin zuten iragarkia, sekulako kritikak jaso ostean. Nikek arrakasta izan du jarrera politikoa erakusteko bere erabakiarekin, baina Pepsik, aldi hartan behintzat, ez zuen asmatu.
«Mezu sozial bat izatea ez da nahikoa», gogoratu du Jose Juan Beristainek. «Branding-ean berebiziko garrantzia du ere mezu hori nola ematen duzun. Eta Pepsik modu oso friboloan hartu zuen horrelako gai serioa».
Beti ez da asmatzen; Pepsik ikasitako lezioa
Iruzkinak
Ez dago iruzkinik
Ordenatu