Albistea entzun

Servinik Espainiari eskatu dio argitzeko Martin Villa galdekatu dezakeen

Martin Villak martxoaren 20an deklaratu beharko luke, Argentinaren Madrilgo enbaxadan. Espainiako Gobernua aurka agertu zen
Maria Servini epaile argentinarra, artxiboko irudi batean.
Maria Servini epaile argentinarra, artxiboko irudi batean. DAVID FERNANDEZ / EFE Tamaina handiagoan ikusi

Edurne Begiristain -

2020ko martxoak 6

Maria Servini epaile argentinarrak Rodolfo Martin Villa Espainiako ministro ohia galdekatu behar zuen martxoaren 20an, Argentinak Madrilen duen enbaxadan, frankismoaren biktimek Argentinan jarritako kereilaren harira.

Espainiako Gobernua, ordea, deklarazioaren aurka agertu zen joan den urtarrilean. Espainiako Justizia Ministerioak hartu zuen erabakia, argudiatuta ikerketa faseko deklarazioa hartzeko «modu egokiena» zela Servinik nazioarteko eskakizun bat egitea, Espainiak ez baitauka jardunerako eskumenik. Ondoren, baina, Juan Carlos Campo Justizia ministroak eta Carmen Calvo Espainiako Gobernuko presidenteorde lehenak publikoki adierazi zuten gobernuak ez diola oztoporik jarriko epaileari Martin Villa Espainian galdekatzeko.

Haatik, Argentinako Kereilaren aldeko koordinakundeak atzo jakinarazi zuenez, Espainiako Gobernuak oraindik ez dio erantzun ofizialik eman Serviniri. Hori hala, Argentinako epaileak nazioarteko eskakizun ofizial bat igorri dio Espainiako Gobernuari,behingoz argitzeko Martin Villa Madrilen galdekatu ote dezakeen.

Hain zuzen ere, Argentinako Auzitegi Nazional Kriminal eta Korrekzionalaren ikerketapean dago Martin Villa. Gizateriaren aurkako krimenak egotzi dizkiote Villari, 1976ko martxoaren 3ko gertaerengatik. Baina, horiez gain, 1977ko amnistiaren aldeko astearekin lotutako krimenak eta bestelako batzuk ere leporatzen dizkiote. Joan den abenduaren 20an deklaratu behar zuen han, baina atzeratu egin zuten. Azkenean, Servinik erabaki zuen Madrilen galdekatzea, eta hara joatekoa zen, funtzionario talde batekin batera. Beste auzipetu batzuekin batera hartu behar zion deklarazioa ministro ohiari, eta epaileak ondoren erabaki behar zuen epaibidera igorri ala ez.

Salaketa

Argentinako Kereilaren aldeko koordinakundeak ohar batean salatu du Espainiako Gobernuak «etengabe oztopatzen» dituela bere eskaerak. «Onartezina da haren jarrera, eta Giza Eskubideen Nazioarteko Zuzenbidearen oinarrizko arauak urratzen ditu». Koordinakundearen ustez, Espainia «babesgabe» uzten ari da frankismo garaian giza eskubideak urratu zitzaizkien herritarrak. Gainera, haren hitzetan, Espainiako Gobernuak prentsan eta parlamentuan esandako- aren bidez, erakutsi nahi du Argentinako justiziari laguntzen diola, «errealitateak horrekin zerikusirik ez duen bitartean». Hala, gobernuari exijitu dio behingoz erantzun ofiziala eman diezaiola Servini epaileari eta modua eman diezaiola Martin Villa galdekatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Milaka lagun elkartu ziren atzo Donostian egindako manifestazioan. ©JON URBE / FOKU

Milaka urrats «etxera bidean»

Maddi Ane Txoperena Iribarren

Euskal presoak Euskal Herrira ekartzea, «bizi osorako» zigorrak etetea eta gradu progresioei bide ematea galdegin dute Donostian. Urtarrilaren 8an berriro kalera ateratzeko deia egin du Sarek
Grande-Marlaska, artxiboko irudi batean. ©Javier Lizon / EFE

Grande-Marlaska: «Ezker abertzaleak ongietorriak saihestu behar ditu»

Paulo Ostolaza

El País egunkariak Espainiako Barne Ministroari egindako elkarrizketa argitaratu du. Esan du euskal presoen sakabanaketak jada ez duela zentzurik, eta EH Bilduk eta Sortuk egindako adierazpena ez dela nahikoa.

Maria Txibite, PSNren buru gisa berretsi dutenean, Iruñean. ©IÑIGO URIZ / FOKU

Maria Txibite PSNko idazkari nagusi izendatu dute berriro ere

Gotzon Hermosilla

Botoen %97,22 eskuratu ditu alderdiaren XII. batzarrean. Txibiteren ustez, PSN beharrezkoa da «Nafarroak aurrera egiten jarrai dezan»

Laba, "Oso latza izan da" solasaldia

Gatazka kontatzeko moduaren inguruko mahai ingurua, BERRIAn

Joxerra Senar

Samara Velte eta Maider Galardi ikerlariek, Emilio Majuelo historialariak eta Emilio Lopez Adan 'Beltza'-k hitzaldia eskaini dute transmisioaz, memoria inklusiboaz eta metodologiaz, besteak beste. Labak antolatutako lehen ekitaldia izan da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.