Albistea entzun

DENA ETA EZTENA

Lokatzetan trabatuta

Igor Susaeta -

2015eko urriak 25

Mendira joatea, hori ere bai, ekintza artistiko bilakatu dute arte garaikidearen fededunek. LaPublika proiektuarena izan da ideia. Consonni arte ekoiztetxeak zuzenduta, eta Donostia 2016, Tabakalera eta EHUko Arte Ederren fakultatearekin elkarlanean, artearen bidez espazio publikoak sortzea du helburu, Maria Mur Consonniko zuzendariak aurkezpenean jakinarazi zuenez:«Espazio horietan zer gertatzen den pentsatzea, eta pribatuaren eta publikoaren arteko mugez gogoeta egitea du asmo».

Joan den igandean egin zuten lehen jarduera, proiektu osoaren «asmo-adierazpena» dena: mendi irteera Besaidera, eta «performancea eta esku hartze artistikoa Gerard Ortinen eskutik». Artista horren Trabeska izeneko proiektuak «transect» eredua du oinarri. Zera proposatzen du, LaPublikakoen arabera: «Bezatu gabeko espazioa ikertzea, bidetik kanpo, landarez bete-bete egindako eremuetan barrena ibiltzea. (...). Esku hartutako espazioan sartuta, horretan barrena ibiltzea jabetze-ekintza da».

Txangoaren aurretik, jakin beharrekoak ere iragarri zituzten: «Mendiko zapatak eraman, landaredi trinko, sasi eta lokatz artean ibiltzeko». Ño! Ez ote dago arte garaikidea bera lokatzetan trabatuta... Artearen bidez espazio publikoak sortzea asmo ekimenak, eta mendi irteerarako deialdia mugatua: bi talde, hamabost lagunekoak gehienez. Ba ote du arte garaikideak herritarrengana heltzeko benetako interesa?

Aipatutako erakundeen laguntzaz gain, Bizkaiko Foru Aldundiarena ere jasotzen du. Halere, sartu LaPublikaren webgunean: euskaraz hitz bat bera ere ez; dena gazteleraz eta ingelesez, noski.

Mugez gogoeta egitea du asmo LaPublikak, baina ekintza soilak direnak diskurtsoaren hitz hanpatuekin betez, arte garaikidea ez ote dabil lokazten eta bere potentzialitatea mugatzen?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Ez dugu behin ere pentsatu azoka digital soila egitea»

Iñigo Astiz

Durangoko Azokako denda digitala gaur abiatuko da, eta aurrez aurreko bisitak, berriz, bihar. Osasun neurriak aldatuz gero ere horri eustea da Mujikaren asmoa.

 ©ANDONI CANELLADA / @FOKU

Toure detektibea Madrilera joan da zortzigarren kontakizunean

Gorka Arrese

Jon Arretxek 'Dortokaren begirada' argitaratu du. Parisko bitxi denda batean ostutako piezei esker, Toure eroso bizi da Madrilen

Libe Garcia de Kortazar eta Jon Basaguren musikariak. ©GALDER IZAGIRRE

Paisaia ilun baten soinu banda

Ainhoa Sarasola

Pasadena sortu dute Libe Garcia de Kortazarrek eta Jon Basagurenek, eta izen bera duen diskoa atera. Giro iluna iradokitzen duten zortzi kantu bildu dituzte, argi printzek zulatuak

Concha Barqueroren eta Sergio Alvaradoren <em>Descartes</em> filma. ©ZINEBI

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.