Homeopatia oinarri duten produktuen geroa, kolokan

Botiketan saltzen jarraitzeko prozeduran sartu dira 2.008 produktu; aztertu egingo dituzte
Sendagaiak botika bateko apalategietan.
Sendagaiak botika bateko apalategietan. ANDONI CANELLADA / FOKU Tamaina handiagoan ikusi

Arantxa Iraola -

2018ko azaroak 15

«Abiapuntu on bat da; ardatz estrategiko on bat». Hitz onekin baloratu zuen atzo Farmaciencia elkarteko ordezkari Borja Garcia de Bikuñak —botika bat du Deustun, Bilbon— gobernuak aurkeztutako plana. Hain justu, Farmaciencia da planerako ekarpenak egin dituen elkarteetako bat. «Ebidentzia zientifikotik» lekora dauden produktuak botiketatik baztertzeko ahaleginetan ari da, eta plana iritsi da, justu, botiketan saltzen diren gai homeopatikoen geroa kinka aski berezian dagoen unean; izan ere, farmazietan saltzen jarraitzeko eskea onetsi zaie 2.008 produkturi, baina ez dago argi baimena lortuko duten edo zein eratakoa izango den.

«Homeopatiak botika tipifikazioa du egun», gogoratu zuen atzo Garcia de Bikuñak. «Badira sendagileak homeopatia preskribatzen dutenak, eta botika gisara tipifikatuta nola dauden, gurean saldu behar dira produktu horiek. Baina gu horren kontra ari gara, ez baitago botika horien inguruko ebidentzia zientifikorik». Botiketan saltzen jarraitzeko egin berri duten eskeari lotuta, administrazioak zer erantzun ematen duen ikusi beharko da. Orain arte bezala ezingo dutela jarraitu esan du Farmacienciako ordezkariak. «Ikusiko da botiketatik desagertzen diren, edo Deus ez du egiten dioen ohartarazpen batekin saldu beharko diren». Uste du Europako Batasuneko araudia ardatz, onartuak izateko zirrikitu bat izan dezaketela. Hala ere, jakina da Espainiako Gobernua horren aurka ari dela. Frantziako osasun sisteman, segida handia dute produktu homeopatikoek, eta gobernuak gastuaren %30 finantzatzen du. Aztergai du orain hori.

Erregistratuta dauden 2.008 produktu homeopatiko horiek bakarrik eskura daitezke egun botiketan, gainerakoak erretiratu egin dituzte. AEMPS Espainiako Medikamentuen Agentziaren arabera, hamabik bakarrik egin dute indikazio terapeutikoa duten botika gisara saltzeko eskea.

«Pseudoterapiei» atea ixteko

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Arantxa Iraola

Informazio osagarria