Koronabirusa. Zahar etxeak

«Langile asko badoaz: ezin dute jasan zama emozionala»

Itziar Ferron. Salatu du Arabako egoitza ugaritan ez direla protokoloak bete, ez dela langile gehiago kontratatu eta arreta eskasa dela: «Adinekoek pagatuko dute egoera hau».

Maite Asensio Lozano -

2020ko maiatzak 24

«Gurean ez da inor kutsatu, eta eskerrak, ez baitzen segurtasun neurririk hartu alarma egoera ezarri eta 39 egun igaro arte». Itziar Ferronek dio «zorte handia» izan dutela, baina ez dago lasai. Billodako (Iruña Oka, Araba) zahar etxeetako bateko langilea da, eta, gaixorik izan ez arren, koronabirusaren inpaktua nabarmena izan da han ere. Batik bat adinekoengan nabaritzen ari dira: «Haiek pagatuko dute egoera hau. Logeletan bakartuta daude, eta guk ez dugu denborarik haiekin egoteko: goizean altxatu, garbitu, gosaria eman, eta ez gara itzultzen eguerdira arte; eta haiek bakarrik, edozein gaitz dutela. Oso gaizki pasatzen ari dira, eta krisi honetan inork ez du neurririk hartu ez daitezen bakarrik egon. Ikusten ari gara batzuk depresioak jota daudela, beste batzuei andeatzea azkartu zaiela... Latza da».

ELA sindikatuan lan arriskuen prebentziorako ordezkaria da Ferron. Salatu du zahar etxeetako langileen egoera «larria» dela, babes ekipamendu homologaturik gabe ari baitira oraindik: «Ez dauzkagu, eta ez ditugu edukiko; enpresek ez dute gastu hori egin nahi. Ekipamendu egokituak erabiltzen ari gara, eta batzuetan materialak agortzen dira, edo ez daude desinfektatuta... Inprobisatzen aritu gara, ahal genuen materiala lortzen, erabilera bakarreko maskarak astebetez erabiltzen...». Segurtasunerako tresna horiek nola erabili ere ez dakite langile askok: «Informazioak eta trebakuntzak huts egin du, eta langileak ari gara larrua jokatzen».

Ezin iritsita

Erantsi du egoitza askotan ez dela betetzen osasun larrialdiari aurre egiteko protokoloa: «Arauak dio egoiliarrak birusarekin izandako harremanaren arabera antolatu behar direla, langileak ezin garela gune batetik bestera mugitu, eta lantaldeak indartu behar direla, besteak beste, gehiago garbitu behar delako. Baina ez da kontratazio berririk egin, ezta bajak estaltzeko ere». Ondorioz, ezin iritsita ibili dira: «Batzuetan, pertsona bakarra geratzen da hamabi erabiltzailerentzat; bati laguntzen diozun bitartean beste bat erortzen bazaizu, zer? Ez dugu langile nahikorik; esaten digute ratioak betetzen direla, baina berez txikiak dira, eta orain alarma egoeran gaude. Egun hauetan psikologoa, fisioterapeuta edota mantentze-zerbitzukoa aritu dira egoiliarrei jaten ematen; eta horiek ez dute osasun trebakuntzarik, ez dakite identifikatzen jatean gerta daitezkeen osasun arazoak».

Halako gainezkaldiak, dena den, ez dira berriak langileentzat: «Gure egunerokoa da, baina areagotuta. Kontatzen dugunean ohartzen gara eskuak burura eramateko modukoa dela, baina guk ia normalizatuta daukagula, urte asko daramagulako honela». Sektorearen prekaritateak eragina du langileen bizimoduan ere: «Lehertuta gaude, oso gazteak izan arren, bizkarreko minerako pilulak hartzen. Eta guk oso gustuko dugu gure lana: ederra da, adinekoek jakinduriaz betetzen gaituzte; baina lan baldintzak tamalgarriak dira. Askok alde egiten dute ezin dutelako zama emozional hau jasan, ezin dutelako onartu tratu hau ematea».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Emmanuel Macron, joan den astean izandako gobernu bilera batean. ©Thibault Camus / EFE

Larunbatetik aitzina irekiko dituzte dendak Ipar Euskal Herrian

Oihana Teyseyre Koskarat - Paulo Ostolaza

Konfinamendua arintzeko lehen neurriak iragarri ditu Emmanuel Macron Frantziako presidenteak. Dendez gain, egunean hiru orduz atera ahalko da kalera, eta eskolaz kanpoko aktibitateak berriz egiten ahalko dira. Jatetxeek, ordea, hetsirik jarraituko dute, eta elkarretaratze jendetsuek, debekatuak.

Herritarrak, atzo, Azpeitiko plaza nagusi inguruan. Euskaraldiak parte hartze handia izango du bertan. ©GOTZON ARANBURU / FOKU

Arnasguneen arnasa luzatzeko

Lander Muñagorri Garmendia

Euskararen erabilera oso hedatuta dago Azpeitian: kaleko paisaian nagusi den hizkuntza da, eta kaleko elkarrizketa gehienetan presente dago. Halere, Euskaraldian parte hartzeko arrazoiak ere badaudela diote Euskara zinegotziak eta ariketaren dinamizatzaileak. Egoera hori indartu behar baita.

Hondeamakinak Zaldibarko zabortegian ©Marisol Ramirez / Foku

Europako Batzordeak 'Zaldibar auzia' ikertuko du

Berria

Zaldibar Argitu plataformak eta Ekologistak Martxan elkarteak auzia aurkeztu zuten EBko Eskaeren Batzordean, eta tramiterako onartuko dute. Datorren urtarrilaren 21era arteko epea dute auziari buruzko iritzia emateko.

Eguberrietan sei lagunetik gora ez elkartzeko aholkatuko du Espainiako Gobernuak

Eguberrietan sei lagunetik gora ez elkartzeko aholkatuko du Espainiako Gobernuak

Arantxa Iraola

Etxeratzeko ordua moldatu egingo dute Gabon gauerako eta Urtezahar gauerako: 01:00etan ezartzea da asmoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna