Ahmed Bukhari (Tiris, Mendebaldeko Sahara, 1954) Fronte Polisarioak NBEn zuen ordezkaria herenegun gauean hil zen, gaixotasun luze baten ondorioz —Bilbon ari ziren artatzen—.
Zuzenbidea ikasten ari zela okupatu zuen Marokok Sahara. Eta ordutik ari zen bere herriaren alde borrokan, hobekien zekien moduan: hitzaren bidez. Negoziaziorako zuen gaitasuna nabarmendu du SEAD Saharako Errepublika Arabiar Demokratikoak: «Prestigio handiko diplomazialaria galdu dugu». Basamortuko diplomazialariak hauxe esan zuen behin: «Norbaitek uste badu sahararrak denboraren biktima izango direla, ez daki basamortua zer den. Gu hilda ere, beste batzuek segituko dute». Zazpi eguneko dolu eguna ezarri dute.
HILBERRIA. Ahmed Bukhari
Basamortuko diplomazialaria
Iruzkinak
Ez dago iruzkinik
Ordenatu