Katalunia
Jordi Sanchezek baimena eskatu dio Llarenari
Jordi Sanchez Kataluniako presidentegaiak atzo eskatu zion Pablo Llarena Espainiako Auzitegi Goreneko epaileari inbestidura saioan parte hartzeko baimena. Etziko deitu dute saio horretara, eta Sanchezen abokatuak baimena lortzeko argudiotzat erabili du NBEren Giza Eskubideen Batzordeak martxoaren 23an eginiko adierazpena. Jordi Pina abokatuak dioenez, adierazpen horren arabera estatuak «kautelaz bermatu» behar ditu Sanchezen «eskubide zibil eta politikoak». Espero da Llarenak gaur jakinaraziko duela utziko ote dion Sanchezi inbestiduran parte hartzen, bai espetxetik aterata, bai bideo konferentzia bidez. Martxoaren hasieran ez zion utzi.
Iruzkinak
Ez dago iruzkinik
Ordenatu