Albistea entzun

Baionan, ospitalearen eta auzitegiaren arteko elkarlana sendotu dute

Auzitegi medikuntzarako unitate bat, biktimologia unitate bat eta arriskuan diren haurrak hartzeko unitate bat estreinatu dituzte
Auzitegi medikuntzarako hiru unitate ditu Baionako ospitaleak.
Auzitegi medikuntzarako hiru unitate ditu Baionako ospitaleak. PATXI BELTZAIZ Tamaina handiagoan ikusi

Oihana Teyseyre Koskarat -

2022ko irailak 9 - Baiona

Ospitalearen eta auzitegiaren arteko zubi lana egiteko hiru unitate ditu orain Baionako ospitaleak. Uvie izeneko biktimologia unitateak bortizkeriaren biktimak hartzen ditu 2020tik; auzitegi medikuntza unitateak, justiziaren aginduz, pazienteen eta hildakoen azterketak egiten ditu, eta, berriki, Uaped unitatea ere sortu dute, arriskuan diren haurren harrera pediatrikoa egiteko. Atzo estreinatu zituzten ofizialki hirurak.

«Trabaz betea den biktimen bidea errazteko egitura bat da», Uvie unitateko Marie Soulat mediku arduradunaren hitzetan. Izan ere, arta fisikoak eta psikologikoak jasotzen dituzte biktimek egitura horietan, baina ez bakarrik: laguntza juridikoa ere badute, salaketa ospitalean bertan jar dezakete, eta gizarte laguntzaileak ere badira, bizitzaren bestelako arloetan laguntzeko.

Hala, zenbait egituraren arteko partaidetzaren emaitza da hiru unitateak biltzen dituen egitura. Frantziako Justizia Ministerioak urtean 600.000 euro ematen dizkio egiturari; gainera, Pirinio Atlantikoetako departamenduak eta Eskualdeko Osasun Agentziak ere parte hartzen dute finantzaketan. Partaide guztien arteko bide «luze, zail eta arriskutsua» izan zuen gogoan Jerome Bourrier Baionako prokuradoreak.

Justiziaren lana ospitalean

Uvie eta Uaped unitateetan biktimen hitza jasotzen dute osasun langileek, eta, biktimak hala nahi izanez gero, salaketa jartzeko prozedura egiten laguntzen dute. Soulat medikuak zehaztu du Uvien hartzen dituzten pazienteen %60 indarkeria matxista jasaten duten emazteak direla. Urte hastapenetik, orotara, 284 heldu eta 113 adingabe artatu dituzte unitate horretan. «Anitz da, gehiegi da, eta, iragan urteekin konparatuz, anitz emendatu da», deitoratu du Soulatek. Uaped unitatea indarkeria jasaten duten haurren entzuteko berezitua da, eta Poliziak osasun langileekin batera lan egiten du, «haurrek errepikatu behar izatea saihesteko». Urte hastapenetik hamahiru haur entzun dituzte.

Auzitegi medikuntza unitateak, haatik, prokuradorearekin eskuz esku lan egiten du: auzitegi medikuak haren aginduz bakarrik egiten ditu ikerketak. Besteak beste, «proba fisiko zein psikologikoak» ikertzea da haren lana, auzia izanez gero erabiltzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Jon Urbe / FOKU

Agus Rodriguez: «Jantoki sozial bat izan daiteke zerbait duina»

Miren Garate - Gipuzkoako Hitza

Kalean daudenen kopurua asko handitu da Donostian. Agus Rodriguez Donostiako Kaleko Afari Solidarioak egitasmoaren sustatzailearen esanetan, udalak bere gain hartu behar luke pertsona horien gaineko ardura, baina gaur egun eskaintzen dituen baliabideak ez dira aski.

GuraSOS deitutako manifestazioa, gaur Donostian. ©Gorka Rubio, FOKU

Zubietako erraustegia ixteko eskatu dute ehunka lagunek Donostian

Uxue Rey Gorraiz

Aldeen arteko elkarrizketa bat izan dadila galdegin dute, auziari irtenbidea bilatzeko, eta grinez nabarmendu ez Gipuzkoako Aldundiak ez eta Jaurlaritzak ere ez dutela «hitza bete».

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.