Albistea entzun

Hilekoaren ondoriozko gaixo baimenaren alde agertu da CCOO; kontra, berriz, UGT

Legearen zirriborroa asteartean eramango dute Ministroen Kontseilura. Lehen egunetik gaixoaldia %100 ordainduko dutela zabaldu dute
Konpresak eta tanpoiak.
Konpresak eta tanpoiak. BERRIA Tamaina handiagoan ikusi

Oihane Puertas Ramirez -

2022ko maiatzak 14

Espainiako Gobernuaren abortuaren lege berriaren zirriborroa asteartean eramango dute Ministroen Kontseilura. Bertan proposatzen diren gaien artean, bada zeresana eman duen aldaketa bat; hileko mingarria duten emakumeek hiru eguneko gaixoaldirako eskubidea izatea, hain zuzen.

Araba, Bizkai eta Gipuzkoako CCOOren arabera, hileko mingarria duten emakumeek hiru eguneko gaixo baimena hartu ahal izatea «legegintza aurrerapen bat» da orain arte «erabat alde batera utzitako» osasun arazo bati erantzuteko.

Estibaliz Montero sindikatuko emakumeen idazkariak adierazi duenez, neurriak langile klaseari eta «batez ere emakume langileei» egiten die mesede. Horrekin batera, nabarmendu du hileko «oso mingarriak eta lanerako gaitasuna kentzen duten hilekoak» dituzten emakume askoren beharrei erantzuten diela, orain arte ez baitzaie gaixotasun hori aitortu.

Idazkariak aldaketa «aurrerapausotzat eta emakume askok pairatzen duten gaixotasun baten aitorpentzat» hartzen du, baina sindikatuak adierazi du «adi» egon beharko duela, «beste desberdinkeriarik sor ez dadin». Izan ere, Monteroren arabera, enpresetan emakume izateagatik desberdinkeriak sortzen dira.

UGTrentzat, «desegokia»

Raul Arza Araba, Bizkai eta Gipuzkoako UGTko idazkari nagusiak ere hitz egin zuen gaiaz atzo. Radio Vitorian adierazi zuenez, ordea, planteatzen den aldaketa emakumeak estigmatizatu ditzakeen neurri desegokia da: «Horrelako neurriak ez dira egokiak. Ezin dira emakumeak estigmatizatu, eta, berdintasunaren aldeko borrokan gauden honetan, ez da egokiena».

Horrekin batera, nabarmendu zuen ezen, hileko mingarria gaitz bat bada, emakumeek baja hartu behar dutela, «egoera berean dagoen edozein langilek bezala».

Lanera ez joateari dagokionez, Arzak adierazi zuen gaixo agiri baten atzean «beti» dagoela mediku baten ziurtagiria, eta, patronalaren jarrerak ikusita, «errugabetasun presuntzioa» eskatu zuen gaixo baimena eskatzen duten langileentzat.

Eldiario.es hedabideak gobernuko iturriak aipatuz zabaldu duenez, Berdintasun Ministerioak eta Gizarte Segurantzak adostu dute hileko mingarrien ondoriozko gaixoaldiak %100 ordaintzea lehenengo egunetik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskararen kaleko erabilera orokorra duela sei urteko bera da

Euskararen kaleko erabilera orokorra duela sei urteko bera da

Julen Aperribai

Eremu euskaldunenetako beherakada berretsi du Soziolinguistika Klusterraren kale erabileraren neurketak. Gaztetzen ari da euskararen erabilera: haurrek eta gazteek egiten dute gehien.

Atarrabiako Paz de Ziganda ikastola, artxiboko irudi batean. ©LANDER FERNANDEZ DE ARROYABE / FOKU

Pirinio, Irunberri eta Zangoza ingurutik Iruñera joan behar dute Batxilergoa euskaraz egiteko

Irati Urdalleta Lete

Pirinio, Irunberri eta Zangoza ingurutik Iruñera joan behar dute Batxilergoa euskaraz egiteko. Irunberrin D ereduan egiteko ikastetxea irekitzea aztertzen ari dira.

Emakume bat, plaza bateko bankuan eserita, Donostian. ©GORKA RUBIO / FOKU

Hirigintzan genero ikuspegia txertatzeko laguntzak eskatzeko deialdia zabaldu du Jaurlaritzak

Jone Arruabarrena

Hiri antolamenduko plan orokorretan genero ikuspegia txertatzeko diru laguntzak emango ditu Jaurlaritzak. Eremu publikoan ez ezik etxe barruan ere aldaketak egitea proposatzen dute adituek.

Larunbateko manifestazioaren balorazioa egin zuen atzo Euskara Aurrera-k, Donostian. ©JON URBE / FOKU

Euskararen aldeko «herri olatu berri eta berritu bat» altxatzera deitu dute

Oihane Puertas Ramirez

Euskara Aurrera-k ontzat jo du larunbateko manifestazioa. Euskalduntzearen arloan urratsak egiten jarraituko dute. Egungo garaira egokitutako hizkuntza politika berriak exijitu dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...