Eusko Ikaskuntzak Manuel Lekuona sariarekin aitortuko dio ibilbide luzeko jarduna Mari Jose Azurmendiri (Donostia, 1944). «Euskararekin duen konpromisoa eta hizkuntza normalizatzeko egindako ekarpen eskerga» nabarmendu ditu epaimahaiak.
Soziolinguistika izan da, batik bat, Azurmendiren alorra; aitzindaria izan da hari eta psikosoziolinguistikari lotutako gaiak garatzen. Irakaskuntza eta ikerketa uztartu ditu lehen urratsetatik, eta, eremu profesionalean, hainbatetan egokitu zaio lehen emakumea izatea: Beasaingo Alkartasuna Lizeoko zuzendaritzan eta EHUko katedradunen artean, besteak beste.
2000. urtean, Soziolinguistika Klusterraren sorreran jardun zuen. Beste zenbait elkarte eta erakundetako kide ere bada: Eusko Ikaskuntza, Kontseilua, Bagera eta Orreaga, horien artean.
SOSLAIA. Mari Jose Azurmendi
Soziolinguista aurrendaria
Iruzkinak
Ez dago iruzkinik
Ordenatu