Nafarroak ikasgeletara ez itzultzea eskatu du

Joan den astean, Nafarroako Eskola Kontseiluak eskatu zuen ikasleak ez itzultzeko eskolara egungo ikasturtean, eta, atzo, Nafarroako Parlamentuko alderdi nagusiek bat egin zuten eskari horrekin. Hala, parlamentua osatzen duten alderdiek gobernuari eskatu zioten datorren ikasturtea prestatzen hasteko. Alderdi denek bat egin dute ikasleen segurtasuna garrantzitsuena dela aldarrikatzeko. EH Bilduk eskatu zuen Arabako, Bizkaiko eta Gipuzkoako ikasleen itzulera hezkuntza komunitatearekin adosteko; legez besteko proposamen bat aurkeztu zuen Eusko Legebiltzarrean, eta Diputazio Iraunkorra berriz biltzeko eskatu, ikasturte amaieraz eztabaidatzeko. CCOOk «arrazionaltasuna» eskatu zuen, eta ohartarazi ezingo direla itzuli segurtasun baldintza «egokirik»ezean.