Albistea entzun
Emakumeen aurkako indarkeriari ez
Emakumeen aurkako indarkeriari ez

HIZPIDEAK

CNIren sekretu ozenak

Martxelo Otamendi Egiguren -

2022ko apirilak 23

Zer untxi mota aterako du kapela luzetik Espainiako Gobernuko Pedro Sanchezek Pegasus auziak —telefono bidezko espioitza Kataluniako 50 independentziazaleri eta Arnaldo Otegiri eta Jon Iñarrituri, oraingoz horiei— Katalunian sortu duen haserrea baretzeko? Kataluniako eta Espainiako gobernuek behinola osatu eta hilabetetan ia abiatu ez den negoziazio politikoaren mahaia indartzeko prest omen dago orain Sanchez, independentziazaleak lasaitzeko edo.

Akats larria egingo dute buruzagi independentziazaleek Sanchezi bi planoak nahasten uzten badiote, alegia, onura politikoa atera nahi badiote espioitzaren eskandaluaren larritasuna itzaltzen uztearen truke. Hori da, gehienez, Sanchezek eskainiko diena, jakinda erdi hilda dagoen eta Kataluniako independentziazaleen artean oso ilusio gutxi sortzen duen mahai horren aldeko apustu handia egiten duela ERCk.

Zerbitzu sekretuak biltzen dituen CNIko arduradun politiko nagusia, legeak horrela agintzen baitu, Defentsa ministroa da: Margarita Robles, magistratua lanbidez. Auziaren harira Roblesek esan du ez Guardia Zibilak ez Polizia Nazionalak ez dutela Pegasus programa erabili inor zelatatzeko, eta CNIk egin ote duen galdetuta, erantzun du legeak galarazi egiten diola jendaurrean CNIz hitz egitea. Ezin zuen argiago esan CNIk erabili duela espioitza programa hori.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...