Hamaika telebistak Hatortxu rock jaialdiko (Atarrabia, Nafarroa) emankizun berezia egingo du gaur, 21:20an. Hasteko, Delirium Tremens taldearen itzulerari buruzko erreportaje bat emango dute. Segidan, 21:50ean, Delirium Tremensek Hatortxun emango duen kontzertua zuzenean ikusi ahalko da Hamaikan.
Hatortxu jaialdiaren inguruko tarte bat iritsiko da gero, 22:55ean. Presoen eskubideen aldeko elkartasun jaialdiaren gaineko hainbat gorabehera ezagutu ahalko dituzte ikus-entzuleek. Irudi historikoak ere tartekatuko dituzte.
Saio bereziari amaiera emateko, gauerdian Tafallako (Nafarroa) Rotten XIII musika taldearen kontzertua iritsiko da. Hori ere zuzenean Hatortxu jaialditik.
Hamaikaren saioa lurreko telebista digitalaren bidez, Euskaltel bidez eta hamaika.eus/zuzenean webgunean ikusteko aukera egongo da.
Delirium Tremensen Hatortxuko kontzertua, gaur Hamaikan
Iruzkinak
Ez dago iruzkinik
Ordenatu
