Nicole Belloubet: «Elkarrizketak ez daude hautsita»

Berria -

2019ko urtarrilak 11
Frantziako Justizia Ministro Nicole Belloubetek elkarrizketa eskaini dio France Bleu Pays Basque irratiari. Bertan esan du bakegileekin elkarrizketa ez dagoela «hautsita», eta atea «irekita» duela. Oroitarazi du Frantziako espetxeetan dauden euskal presoen %57 hurbildu dituztela azken urtean: «Gaur egun ETAko presoak Frantziako gainontzeko presoen eskubide berberak dituzte», nabarmendu du.

Eskaerak banaka aztertzen ari direla esan du, eta aitortu du «hasieran profil arinekoak gerturatu» dituztela —zigor txikiena dutenak—. Ipar Euskal Herriko ordezkaritzak nabarmendu zuen kasuak banaka aztertzea adostu arren lortutako konpromisoak guztientzako zirela, bereizketarik gabe. «Xedea zen ohiko zuzenbidea ezartzea presoei, ez erabiltzea salbuespen legeria», azaldu zuen Vincent Bru Frantziako diputatuak. «Legea zorrotz betetzeko irizpidea eman dut», erantzun du ministroak.

Preso dauden andreen hurbilketaz esan du arazoa ez dela soilik «ETAko presoena»: «Ez da azpiegiturarik Frantziako hego-mendebalean». Madrilekin harremana dutela baina Espainiak ezer «inposatzen» ez diela ere ohar egin du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna