Athleticek lehen garaipena lortu nahi du etxetik urrun

San Mamesetik urrun, zuri-gorriei gehiago ari zaie kostatzen jokoa sortzea. Balentziagak ordezka dezake gaur Yuri, Balaidosen
<b>Iñaki Williams Leganeseko Kenneth Omeruorekin lehian .</b>
Iñaki Williams Leganeseko Kenneth Omeruorekin lehian . SEBASTIAN MARISCAL / EFE

Haritz Gallastegi -

2019ko urriak 6
Athleticek gaizki ohitu ditu jarraitzaileak. Joan den sasoiko dinamikari jarraituz, txapelketako lehen sei partidetan hamabi puntu lortu zituen. Hala, min eman zion aurreko jardunaldiko Valentziaren kontrako porrotak. Dena den, zuri-gorrien denboraldi hasiera oso ona izan da. Berdin dio aurrean goi mailako talde bat duen, edo atzean sartzen den kontrario baten aurka jokatzen duen. Jokamolde desberdinak dituzten talde guztien kontra jakin izan du lehiatzen. Gaur, Balaidosen, erasoan baliabide dezente dituen talde baten kontra aritu beharko du.

Celta asko indartu da zelai erditik aurrera. Ez du pasatu gura aurreko sasoiko estutasunik, eta Denis Suarez, Rafinha eta Santi Mina berreskuratu dituela. Horiei Iago Aspas gehituz gero, argi dago edozein talderi min egiteko baliabideak dituela. Baina jokalari onek ez dute beti talde on bat egiten. Horretan ari da Fran Escriba.

Oraingoz, ez du lortu, eta ingurua hasi da urduritzen. Egonezin hori baliatzen ahaleginduko da Athletic, etxetik kanpo lehen garaipena eskuratzeko. Garitanoren taldeari gehiago ari zaio kostatzen San Mamesetik urrun jokoa sortzea, eta jokatutako partida guztiak berdindu egin ditu.

Garitanori jokalari garrantzitsu bat faltako zaio defentsaren ezker hegalean. Yurik liga osoan jokatu zuen, baina, aurreko larunbatean, Valentziaren kontra, min hartu zuen. Mikel Balentziagak bete dezake haren lekua. Athleticen oso ondo jardun duen futbolaria da, aspaldi jokatu ez arren.

CELTA-ATHLETIC

Celta. Ruben Blanco; Hugo Mallo, Aidoo, Araujo, Lucas Olaza; Rafinha, Okay , Lobotka , Denis Suarez; Iago Aspas eta Santi Mina.

Athletic. Unai Simon; Capa, Yeray, Iñigo, Balentziaga; Dani Garcia, Unai Lopez; De Marcos, Raul Garcia, Iker Muniain eta Iñaki Williams.

Epailea. Medie Jimenez.

Lekua. Balaidos (29.000 ikusle).

Ordua. 14:00etan.(Gol).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna