Ontziolak nazionalizatzea posible da Europan

Naval irekitzeak oso zaila dirudi, eta are zailagoa publiko bilakatzeak. Europako Batzordeak, halaber, gertutik begiratzen die halako mugimenduei, lehiakortasun arauak urratu ez daitezen. Hala ere, nazionalizazio hori egingo balitz, ez litzateke izango kontinenteko lehen kasua. Urrunago joan gabe, iazko abuztuan Eskoziako Gobernuak Ferguson Marine ontziolaren kontrola hartu zuen, hango 350 lanpostuak salbatuz. Bretainian ere badago aurrekari bat, 2017koa: Frantziako Gobernuak STX ontziolaren kontrola hartu zuen, 80 milioi euroren truke.