ENBAXADA BILA

EH Bildu eta sekretu ofiziala

Martxelo Otamendi - BERRIAko zuzendaria

2019ko abenduak 8
Azaroaren 10ean Espainian egindako hauteskunde nagusietako emaitza behin betikoen arabera, EH Bilduk gainditu egin du aurkeztu den lau barrutietan %15aren langa.

Espainiako Kongresuko arautegia aldatzen ez badute, oso lotsagarria litzatekeena baina baztertu beharko ez genukeena, EH Bilduk talde parlamentarioa edukitzeko eskubidea du, horrek dauzkan abantaila guztiekin: diru gehiago talde parlamentarioarentzat, bozeramaileen taldeko kide izatea, osoko bilkuretan hitza hartzeko txanda propioa edukitzea, lege proposamenei emendakinak aurkezteko aukera izatea, gobernua kontrolatzeko eskubidea...

Bada eskubide bat, seguru aski, hurrengo egunetan zarata handia aterako duena: sekretu ofizialen batzordeko kide izateko aukera dauka. Ofizialki, «gastu erreserbatuetara bideratutako maileguen kontrol batzordea» du izena, nahiz eta eguneroko hizkeran «sekretu ofizialen batzordea» esaten zaion.

Eskubidea luke EH Bilduk, baina erlatiboa, batzorde horretan parte hartu nahi duten parlamentariek Kongresua osatzen duten 350 parlamentarien 3/5ren aldeko botoa bildu behar dutelako: 210 baiezko. Eta oso litekeena da eskuinak betoa jartzea EH Bilduri. PPk, Voxek eta Ciudadanosek bat eginda, 150 boto biltzen dituzte, nahikoa betoa ezartzeko, EH Bilduri ez ezik, baita ere ERCri eta JxCATi.

Polita litzateke ikustea, nahiz batzorde horrek bilerak kamerarik gabe egiten dituen, EH Bilduko ordezkaria Espainiako inteligentzia agentzia nagusia den CNIko buruari eskatzen ez ditzatela gehiago jazarri koalizioko kideak.

Jazartzailea jazarria.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna