Liburutegi ireki baten aldeko konpromisoa eta kolaborazioa

Hogei urtean laguntzaile asko izan dira Armiarma proiektuaren alde. «Oso aktiboak dira oraindik ere Koldo Izagirre, Iñigo Aranbarri, Xabier Boveda, Ana Morales eta Xerezaderen Artxiboko adiskideak, Leire Bilbao, Iñigo Astiz, Gotzon Barandiaran, Izaskun Etxebeste, Miren Agur Meabe, eta beste asko gehiago». Argitaletxe batzuen konplizitatea ere funtsezkoa izan da: Elkar, Txalaparta, Denonartean, Katakrak, Edo!; baita aspaldikoak ere: Ustela, Lur, Baroja... EIZIE elkartearekin partekatzen dituzte asmo batzuk, eta Literatura Unibertsala bildumako lehen ehun liburuen digitalizazioa egin zuten. EHUko Itzulpengintza graduko ikasleen zenbait lan jasotzen ari dira orain.