Albistea entzun

UHINETATIK TIRAKA

Pixka bat es poco

Xabier Lasa -

2018ko urtarrilak 21

Aldarte elebiduna. EITBko erdal komunikabideetan euskara normaltasunez aditzeko aldarrikapenaren historian, mugarritzat jo beharko da asteazkenean Galder Perez esaleak (Graffiti, 17:00-19:00) eta Alberto Irazuk eduki zuten 20 minutuko elkarrizketa elebiduna, rocka eta bertsolaritza hizpide. Antzeko bizpahiru kontzesio izan dira azkenaldian REn, Dani Alvarezen eskutik biak: 2016ko abenduan, Mikel Irizarrek zazpi minutuko hitz-jarioa (galderak euskaraz, erantzunak gaztelaniaz), eta, 2017ko apirilean, Amets Arzallusek, seikoa. Une konplizeak izan dira gehiago, baina oihartzun apalagokoak.

Hankak lurrean. Sinbologia handikotzat, arau haustailekotzat... jo genitzake salbuespenezko une horiek, salbuespenezko egoeratan eginak (Euskararen Eguna, ETAren armagabetzea...). Ezin ukatu aurrera ez goazela, konparatuz gero tarteka eskaintzen dizkiguten bizpahiru esaldiz osatutako adierazpen labur eta axalekoekin (azkenekoa, atzo, haur danbor-jotzaileekin). Baina perspektiba historiko batetik aztertuz gero, hainbesteko lorpena ote? Ahaztu egin ote zaigu euskara normaltze bidean ia berrogei urte igaro direla hizkuntza politika aplikatzen hasi zenetik, ia berrogei EITB sortu zenetik? Zinez, oso-oso gutxirekin konformatzera ohitu gara, gaituzte.

Simetria linguistikoa. Kontzeptu horrekin bat zetozen Mikel Irizar eta Dani Alvarez 2016ko elkarrizketa sui generis hartan. Gipuzkoako Aldundiko Hizkuntza politikako buru izan da orain gutxi arte bat, REk daukan ahots erreferentzialena da bestea. Nork nahi duen hizkuntzan nonahi eta noiznahi, agertoki ideala hori dela zioten biek. Erabat ados. Baina jai dugu euskararen presentzia eta eskubidea utziz gero REko, Radio Vitoriako eta ETB2ko kazetarien borondatearen esku; abaniko zabala baitago jarrerei dagokienez etxe horietan, euskaltzaletasunetik hasi eta indiferentziara bitarte. Eta, kazetari horien gaineko arduradun organikoen eta politikoen zain geratzen bagara, igual beste berrogei urte igaro genitzake horretan. Akaso, egungo egoerari planto egingo dion pertsona publikoen mugimendu zibiko batean jarri beharko da itxaropena; komunikabide horiek irratsaio eta programak ekoizteko premiazkoak dituzten kulturgile, kirolari eta abarrez osatua. «Euskaraz hitz egin nahi dut», irmoki adierazteko pronto egongo dena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iruñeko Arrotxapea auzoko Runa parkea, atzo eguerdian. Ostiralean zabaldu zituzten barrakak. ©IDOIA ZABALETA / FOKU

Ihesbide bat Runa parkean

Ane Eslava

Sanferminak aurten ere bertan behera gelditu diren arren, Iruñean barrakak jarri dituzte. Uztailaren 3ra arte egongo dira zabalik. Langileak itxaropentsu daude; bisitariak, ilusioz beterik.
 ©GUILLAUME FAUVEAU

«Baionako zikin garbitzaileak ezagutu ditut behi eta orgekin»

Ainize Madariaga

Erramun «denek» ezagutzen dute Baionan: hiriko arima da. Bestek har lezakete haren izena. Bar Du Marcheko ostalerrak «azkar» aldatzen ikusi du hiria, bai Banka sorterria ere.
<em>Onward</em> animaziozko filma (2020) katalanez ikus daiteke Disney Plus plataforman. ©PIXAR / EFE

Disney Plus, katalanez

Urtzi Urkizu

Katalanera bikoiztutako 25 lan ikus daitezke 'streaming' plataforma horretan. Azken bi asteetan jarri dituzte zerbitzuan 25 film horietatik 21

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.