UHINETATIK TIRAKA

Erretolika

Xabier Lasa -

2018ko martxoak 25
Politikaren tentakuluak. Badirudi Gipuzkoako PP alderdiak asmatu duela protagonismo mediatikoa lortzeko formula merke eta errazarekin. Ondo doakio, komunikabideen ezinbesteko kolaborazioarekin. Xinplea da jokaera: gonbidatu ez zaituzten herri ekimenetik irtendako ekitaldietan agertzea; nabarmen agertzea, mikroen eta flashen arreta bereganatzeko adina. Bikain irten zitzaien berriki Andoainen [Gipuzkoa], bi preso ohiei egindako ongietorrian: komunikabideek Andoainera joandako sei alderdikideak bilakatu zituzten izar, haiei eskainiz mintzatzeko aukera, eta haiengandik hamar metrora zeuden ehunka andoaindarrei bizkar emanez. Orain zortzi, Gipuzkoan, espetxe iraunkor berrikusgarriaren aldeko elkarretaratze bana egin ziren Irunen eta Donostian, herritar partikularrek deituta. Astelehen goizean Faktoria-ko albistegian bi bilkuren gaineko aipamenean, zehaztu ziguten antolatzaileek alderdi politikoen parte hartzerik gabeko elkarretaratzea nahi izan zuten arren, PPko buruzagiak bertan izan zirela. Bada, antolatzaileen borondateari kasu handiegirik egin gabe, bozeramaile politikoaren zenbait hitz (gaztelaniaz) aireratu zizkiguten lehenbizi, eta itzulita ondoren. Kasik, antolatzaileen adierazpenek bezainbateko garrantzia hartu zuten politikariarenek. Klase politikoak albistegi eta tertulien agenda markatu, eta gainera, gizarte zibiletik sortzen diren ekimenak ere kapitalizatu. Eta bide horretan, kazetaritza konplize.

Erretolika. Manu Carreño esatariak (Ser kateko El Larguero saioa) eta Iniesta futbol jokalariak ordubetez solasean jardun zuten ostegun gauean. Gutxitan geratuko da horren garbi erretratatuta zer den kirol kazetariek eta jokalariek goizetik gauera elikatzen duten erretolika barru hutsa eta endredatzailea. Carreñok, bikain suge-liluratzailearen larruan, bi esloganekin saldu zion produktua entzuleari, hasieran: «Urteko elkarrizketa egitera goaz. [...] Bartzelona utzi eta Txinara doan ala ez, jakin-min biziz dago Espainian mundu guztia, eta hori argitzen saiatuko gara». Benetan, ordubeteko berriketa esaldi batera makurtu daiteke: «Hausnartuta daukat, eta erabakia hartzea geratzen zait». Twitterren mezu ziztrin batean adieraz zezakeena jokalariak. Behin erabakia hartuta, orduan nahi adina elkarrizketa egitea izan zitekeen gizaki arrazionalek egingo luketena. Futbola arrazionala balitz…

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna