Nerea Isasi izanen da Gipuzkoako Foru Aldundiko Berdintasun zuzendari berria. Miren Elgarresta ordezkatuko du, Emakundeko zuzendari izendatu berri baitute. Eider Mendoza bozeramaileak jakinarazi du izendapena. Isasi Eibarkoa da (Gipuzkoa); Irakasle Ikasketetako diploma du, eta Psikopedagogiako lizentzia.
Hamabost urtez hezkuntza publikoan lan egin du, eta azkeneko zazpiak lanbide heziketan eman ditu. Berdintasunari buruzko goi maila ezartzen lagundu zuen Isasik, eta irakasle izan zen bertan. Mendozak erran du Isasirekin zuzendaritzak orain arteko bidean jarraituko duela, Gipuzkoan «lortutako aurrerapenak sendotuz».
SOSLAIA. Nerea Isasi
Gipuzkoako Berdintasun zuzendaria
Iruzkinak
Ez dago iruzkinik
Ordenatu
