Albistea entzun

Jaurlaritzaren plana, lan merkatua «orekatzeko»

Jokin Sagarzazu -

2021eko apirilak 14

Egungo lan merkatuan dauden «desorekak» konpondu eta aurrera begira egon daitezkeenak aurreikustea izango du xede Eusko Jaurlaritzaren 2030erako Enpleguaren Euskal Estrategiak. Enpleguaren kalitatea sustatzeko helburua du, eta hori lortu nahi du, besteak beste, langileen formakuntzan sakonduz. Horren harira, enplegu politika aktiboak eskubide subjektibo gisa aitortzeko asmoa agertu du Jaurlaritzak.

Gobernuak atzo onartu zuen estrategia berria. Idoia Mendia Lan sailburuak azaldu duenez, «jarduera esparru teoriko bat» da, eta, beraz, ez du inbertsioei edo helburuei buruzko datu eta informazio zehatzik jasotzen. Adierazi du horietako batzuk azalduko direla, besteak beste, legegintzaldi honetako Enplegu Planean edota COVID-19ari aurre egiteko egitasmoetan, eta diru sarrerak bermatzeko errentaren lege erreforman.

Mendiak azaldu du Elkarrizketa Sozialeko Mahaiko eragileen ekarpenak jaso dituztela, eta aurki agerraldia egingo duela Eusko Legebiltzarrean, egitasmoa aurkezteko eta legebiltzar taldeen iritzi eta eskaerak entzuteko.

2013ra begirako estrategiak bost oinarri ditu: aukera berdintasuna, berrikuntza, lurralde oreka, adostasuna eta lankidetza, eta lidergo publikoa. Eta lau helburu: kalitatezko enplegua, gizarteratzeko funtsezko tresna gisa; lan aktibazioa sustatzea, langileak ekoizpen sistemaren aldaketetara egokitu ahal izateko; enplegu politika aktiboak eskubide subjektibo gisa ezartzea; eta aukera berdintasun eraginkorra bermatzea. Mendiak azpimarratu duenez, enplegu politika aktiboetarako eskubide subjektiboa jasoko duen lehen erkidegoa izango da EAE.

Horrekin batera, Arabako, Bizkaiko eta Gipuzkoako lan merkatuak dituen «egiturazko gabezia» batzuk azpimarratzen dira txostenean, eta horiek datozen urteetan okertu daitezkeela ohartarazten da; hala nola behin-behinekotasuna, langabeziaren kronifikazioa, langabe zaharren ugaritzea eta aukera desberdintasuna.

2030erako aurreikuspenak

2030era begirako prospekzioa ere jasotzen du txostenak. Horren arabera, Araban, Bizkaian eta Gipuzkoan 610.000 langile berri egongo dira bederatzi urte barru. Horietatik 110.000 lanpostu berrietan arituko lirateke, eta gainerako 500.000, egun daudenetan. Aurreikuspen horien arabera, halaber, 2030ean milioi bat lanpostu eskatzaile egongo dira.

Okupazio taldeak aztertuta, zenbait desoreka aurreikusten ditu azterketak: adibidez, eskaintza eskaria baino handiagoa izango dela osasunaren eta irakaskuntzaren arloko profesionalentzat, eta berdin lehen sektorean, industrian eta eraikuntzan, eta zuzendaritza eta kudeaketa lanpostuetan. Aitzitik, eskaria eskaintza baino handiagoa izango da bulegoetako lanpostuetan, ostalaritzan eta saltokietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Euskaltelen denda batean eginiko protesta bat ©Monika del Valle (Foku)

Banku publiko bat sortzea baztertu du Eusko Legebiltzarrak

Jokin Sagarzazu

Elkarrekin Podemos-IUk eta EH Bilduk egin dute eskaera, lurraldeko enpresak laguntzeko, baina gainerako taldeek aurka bozkatu dute, Jaurlaritzak horretarako tresnak badituela argudiatuta.

Bi behargin, siderurgia sektoreko lantegi batean ©Berria

Industriak motel hasi du urtea, baina hazkunde sintomak erakusten ditu

Jokin Sagarzazu

Otsailetik martxora arteko aldakuntza positiboa izan da industria sektore handi guztietan, kontsumo arruntaren hazkundearen ondorioz.

Josu Sanchez, Iñigo Urkullu eta Zenon Vazquez, atzo, Donostiako Kursaalean. ©GORKA RUBIO / FOKU

Enpresa zonbiak orokortzeko arriskurik ez dago oraingoz, Elkargiren ustez

Xabier Martin

Elkarrekiko berme sozietateak ia 950 milioi euroko finantzaketa eman zien enpresei iaz. 9.000 enpresari eta 150.000 enpleguri eusteko laguntza da, «inoizko handiena»

Margrethe Vestager Europako Batzordeko Lehia komisarioa, atzo Bruselan eginiko agerraldian. ©YVES HERMAN / EFE

Europatik kanpoko enpresen esku hartzea mugatuko du Bruselak

Jokin Sagarzazu

Laguntza publikoak jasotzen dituzten konpainiek eginiko inbertsioak debekatu ahal izango ditu, lehia desitxuratzen dutela uste badu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.