Hiru migratzaile atzeman dituzte Bilboko Portuan
Hainbat migratzailek beren bidaietan egiten dituzten ahalegin etsien beste adibide bat ikusi da igaro asteburuan Bilboko Portuan: paperik gabeko hiru lagun, ezkutuko bidaiariak, erreskatatu behar izan zituzten igande goizean isurbide batetik. Ez aurrera eta ez atzera geratu ziren bertan, eta laguntza eskatu zuten deiadarka; suhiltzaileen laguntza beharrezkoa izan zen haiek handik ateratzeko. Blai zeuden, eta hipotermia zantzuak zituzten; Gurutzetako erietxera eraman zituzten, Barakaldora (Bizkaia). Horietako bat zainketa berezien unitatean sartzea erabaki zuten, gas toxikoak arnastuta larri zegoelako.
Iruzkinak
Ez dago iruzkinik
Ordenatu