Michel Veunacek Miarritzen agintzen segitu nahi du

Espero zen, eta ofizial egin du: 73 urterekin, 1990etik Miarritzeko hautetsia den politikaria, Michel Veunac, ondoko sei urteetan auzapez izateko lehiatuko da martxoan. Norekin? Hori da galdera. Anbizio pertsonalen eta desadostasun politikoen ondorioz, 2014an osatu gehiengoa lehertu da: Guillaume Barucq, Maider Arostegi eta Nathalie Motsch lehian sartuak dira dagoeneko, eta oposiziotik beste hainbeste hautagai espero daiteke. Barreiatze hori batasun bihurtzea, hori besterik izanen da.