Albistea entzun

EAJk 70 milioi euroren neurriak adostu ditu Madrilekin

Espainiako aurrekontuetan EAJren 48 zuzenketa partzial txertatuko dira. Urdaibaiko Guggenheimen proiekturako 25 milioi hitzartu dituzte
Aitor Esteban EAJko bozeramailea, Espainiako Kongresuan.
Aitor Esteban EAJko bozeramailea, Espainiako Kongresuan. LUIS TEJIDO/ EFE Tamaina handiagoan ikusi

Edurne Begiristain -

2022ko azaroak 12

Espainiako Gobernuaren aurrekontuei osoko zuzenketarik ez ziola aurkeztuko iragarri ondotik, akordiorako bidean beste urrats bat egin du EAJk. Aitor Esteban EAJk Espainiako Kongresuan duen bozeramaileak agerraldia egin zuen atzo Bilboko Sabin Etxean, eta jakinarazi zuen azken bi aste hauetan «modu positiboan» negoziatu direla aurrekontuei egindako zuzenketa partzialak. Zehazki, Estebanek azaldu zuen herenegun lortu zutela taldeak aurkeztutako zuzenketen «kopuru handi bat» aurrekontuen proiektuan sartzea: 48 zatikako zuzenketa txertatu dituzte, EAJk aurkeztutakoen «%70». Denera, 70 milioi euroren neurriak adostu dituzte jeltzaleek Espainiako Gobernuarekin. Estebanen esanetan, «Euskadiko eta Nafarroako herritarren ongizatea hobetzeko inbertsioetan» islatuko da diru hori.

EAJko bozeramailearen hitzetan, Madrilgo gobernuarekin adostutako kopuruak «nabarmen» gainditzen du aurtengo aurrekontuetarako lortutako diru kopurua: «40 milioi gehiago dira». Akordioa «oparoa» izan dela nabarmendu du Estebanek: «Balantze ona dela uste dugu; Euskal Autonomia Erkidegoko eta Nafarroako herritarren bizitza hobetzeari eragingo dioten gai interesgarriak sartzea lortu dugu». Hala ere, zehaztu du oraindik ere negoziatzen jarraituko dutela eta zuzenketa gehiago adostea espero dutela.

Kultura eta giza eskubideak

Hainbat esparrutan eragingo du Espainiako Gobernuarekin erdietsitako akordioak, EAJko bozeramailearen esanetan: «Ekonomia bultzatzeko, azpiegiturak hobetzeko, kultura proiektuak garatzeko eta giza eskubideen defentsa babesteko dira diru sailak». Besteak beste, 25 milioi euro bideratuko dira Urdaibaiko (Bizkaia) Guggenheimen egitasmoa garatzeko, hamar milioi Loiolako araztegia konpontzeko, eta bederatzi milioi Arabako Zadorra ibaiaren inguruko hainbat jardueratarako. Horrez gain, EAJren zuzenketa bati esker, lehen aldiz giza eskubideen defendatzaileak aldi baterako babesteko programa bat sortuko da. Horrekin lotuta, portuetako tasak doan izango dira giza salbamenduan dabiltzan ontzientzat: adibidez, Aita Mari-rentzat. Azpiegituretarako, berriz, tren geltokiak egokitzeko eta eraberritzeko 22 milioi jartzea jaso dute aurrekontu egitasmoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzak egindako ikerketaren zenbait pasarteren irudiak. ©BERRIA

Ertzaintzak lurralde antolaketaren aurkako delitua ikusi du Zaldibarren

Iñaki Petxarroman

Durangoko epaitegiari helarazitako ikerketa baten arabera, zegokion baino lur eremu zabalagoa erabili zuen Verter Recycling SM enpresak, Jaurlaritzaren eta Zaldibarko Udalaren baimenik gabe
 ©MARISOL RAMIREZ / FOKU

«Osatu dugu minbizia? Oraindik ez, baina asko laguntzen ari gara»

Irati Urdalleta Lete

Aparteko kezka sortzen duen gaitza da minbizia, eta hori ikertzen aritzen da Zubiaga. Gaixoen biziraupena hobetuko bada, hiru norabidetan lan egiteko beharra ikusten du: diagnostiko goiztiarra, terapia zuzenduak eta txertoak.
AHTaren aurka 2010ean eginiko manifestazioa, Hendaia eta Irun arteko zubian. ©BOB EDME

Trenbidearen berritzea, abiadura lortzeko

Garazi Aduriz Zuñeda

Bordeleko, Baionako eta Irungo auzapezek trena berritzearen aldeko deia egin zutenetik, AHTaren eztabaida pil-pilean da Ipar Euskal Herrian. AHTaren aldekoak zein trenbidea berritzearen aldekoak beren argudioak mahai gainean jartzen ari dira proiekturik eraginkorrenaren bila.
Zaldibarko zabortegia amildu ostean bertan egin zituzten bilatze eta egonkortze lanen irudi bat. ©JAVIER ZORRILLA / EFE

Zabor azpiko 124 igerilekuak

Imanol Magro Eizmendi

Verter Recyclingek eskaturiko txosten baten arabera, amildu zenean 300.000 metro kubo ur zeuden zabortegiaren barruan. Egileen ustez, baina, ez zuen eraginik izan hondamendian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...